1. Estheri, Sari, Mari, Ruthi, Hani—

Hmeichhe fel leh nupui rinawmte an ni;

Pathian ngaihsakna chu pawimawh ber an ti,

Hmeichhe rinawm an hming kan hriatte an ni;

Mi dang an awm Jehova duhsak dawng,

An hming chuang lo mah se, rinna thuhmun an nei.

2. Huaisenna, ṭhatna, ngilneih leh hmangaihna—

Mi zawng zawngte ngainat mize duhawmte,

Hêng hmeichhe ṭhate hian min hriat chhuahtîr ṭhîn;

Kan ngaihlu an entawn tûr min hnutchhiahte;

Tûn laia Kristian unaunute paw’n,

Entawn tûr ṭha an siam, rinawmna lantîrin.

3. Nu, fanu, hmeithai, farnu leh nupuite,

Rim taka hnathawkin, in chanvo in hlen;

Inngaitlâwma thuhnuai in rawlh avângin,

Pathian pawm in ni, hlau ngai suh ang che u;

Ding nghet tûrin Lalpa Jehova chuan,

Ṭanpui che u rawh se, in lâwmman dawn a hnai.