HLA 139
Engkim A Thar Hun Chu Mitthla Rawh
(Thu Puan 21:1-5)
-
1. Pathian tiam thu, tâwp nei lo nun,
Lei thara hlim taka kan chên za hun,
Mitthla chhin rawh, zalênna dik,
Thih, nat, ṭah, lungngaih, mangan bo hun;
Sualna zawng zawng a bo hlen ang,
Pa rorêlna’n, kin nî a nei lo’ng;
Lalram rorêlna a lo thlen famkim chuan,
Lâwmthu kan hril ang,
Lalpa zaiin kan fak ang:
(THUNAWN)
“Aw Lalpa Pathian, lâwmthu kan hril che,
Engkim siam thar a ni Lal Kristaah;
Lâwma khat thinlunga’n, fak hlasain kan zai,
Ropui, chawimawina zawng zawng chu kan hlân a che.”
-
2. Paradis-ah, kan chêng dûnin,
Engkim siam thar a nih hun thleng angin,
Han dâwn ve la, i hlim dân tûr,
Muannaa khat khawvêl thar mawiah;
A famkim ang, Lalpa tiam thu,
Amah ngeiin min awmpui hun chu;
Thutiam thawhlehna ropui a thlen hun chuan,
Nunna nei zawng zawng’
Lalpa zaiin an fak ang:
(THUNAWN)
“Aw Lalpa Pathian, lâwmthu kan hril che,
Engkim siam thar a ni Lal Kristaah;
Lâwma khat thinlunga’n, fak hlasain kan zai,
Ropui, chawimawina zawng zawng chu kan hlân a che.”
(Sâm 37:10, 11; Is. 65:17; Joh. 5:28; 2 Pet. 3:13 en bawk rawh.)