HLA 18
Tlanna Avânga Lâwmna
-
1. Kan ding, Jehova,
Aw, i lalṭhutthlêng hmaah,
Hmangaihna ropui ber chu
i lantîr kan chungah;
I Fapa mal neih chhun min pe
kan nun theih nân,
Hei aia inthawina ropui
a awm thei lo’ng e.
(THUNAWN)
Kan nun theih nân tlanna min pe,
A thisen hluin min chhan chhuak;
Thinlung kimin
chatuanin lâwmthu kan hrilh zêl nâng che.
-
2. Inhuam takin Isua a inpe
inthawi nân,
A nun ṭha famkim a hlân ta
hmangaihna vângin;
Beisei bovin kan awm ṭhîn
min chhandam hma khân,
Beiseina kan nei ta tûnah
thihna hnuchhawnin.
(THUNAWN)
Kan nun theih nân tlanna min pe,
A thisen hluin min chhan chhuak;
Thinlung kimin
chatuanin lâwmthu kan hrilh zêl nâng che.
(Heb. 9:13, 14; 1 Pet. 1:18, 19 en bawk rawh.)
