1. Kan nunna thinlung chu vêngin,

Sual kawng chu kan hawisan;

Thinlung a hre thei Pathianin,

Chhûng lama kan nihna;

Thinlung hian rilru hruai sualin,

Sual lam kan hawi ṭan thei;

Kan rilru hian min hruai rawh se,

Jehova kawngah chuan.

2. Thinlung buatsaiha ṭawngṭaiin,

Kan zawng Siamtu Pathian;

Fak leh lâwmthu kan hril nî tin,

Kan mamawh zawng zawng nên;

Jehova thu min zirtîrte,

Lâwm takin kan zâwm ang;

Thinlung rinawm neih kan tum reng,

A lâwm zâwng kan nih nân.

3. Pathian thu dikte ngaihtuahin,

Bumhmang thinlung kan vêng;

Pathian Thu-in kan châwm reng ang,

Min tihchak reng theih nân;

Jehova’n a mi rinawmte,

A hmangaih tih kan chiang;

Thinlung zawng zawngin kan bia ang,

Chatuana inṭhianin.