1. Tu ta nge i nih le?

Eng pathian rawng nge i bâwl?

Thinlung kima rawng i bâwla chu,

Chibai i bûk pathian a ni;

Pathian leh sum rawng chu,

I bâwl kawp thei ngai lo vang;

I thinlung duh zâwng angin i thlang ang,

A rawng i bâwlsak tûr chu.

2. Tu ta nge i nih le?

Eng pathian rawng nge i bâwl?

Pakhat a dikin, pakhat a der,

I duh thlang rawh, i biak tûr chu;

He khawvêl Lal rawng chu,

Eng chen nge i bâwl zêl dâwn?

Dam chhûnga Pathian dik rawngbâwl thlangin,

Thu âwihin i awm zâwk dâwn?

3. Tu ta nge ka nih le?

Jehova thu ka âwih ang;

Kan Pa vâna mi rawng ka bâwl ang,

Thutiam hlenin ka rinawm ang;

Min lei man tam takin,

Ka nung ang rinawm takin;

Lalpa rawngbâwlin dam chhûng ka hmang ang,

A hming nî tin ka chawi ang.