1. Lalpa Jehova chuan a siam,

Lei leh vân mawi tak chu;

A kut chhuak a ni, thil engkim,

Ropui takin a siam;

Lalpa’n a thil siamte hnênah,

Nunna thaw chu pein,

An chawimawi leh biak a phûzia chu,

Hnial rual lohvin a lantîr.

2. Isua’n felna a tifamkim,

Baptisma a chan khân;

A tiam ṭawngṭaiin Pa hnênah:

‘I tân rawng ka bâwl ang.’

Hriak thih Pathian Fapa niin,

Jordan ata a chhuak;

‘I duh zâwng tih ni rawh se, Lalpa,’

Rinawm, thu âwihin a tiam.

3. Kan rawn pan a che, Jehova,

I hming ropui fakin;

Mahni inphat, inngaitlâwmin,

Kan nun kan rawn hlân che;

I Fapa mal neih chhun min pe,

Sual man min pêksaktu;

I tân kan thiin, kan nung tawh ang,

Mahni tâna nung lovin.