HLA 55
Anni Chu Hlau Suh U!
-
1. Hma sâwn zêl r’u, ka mite u,
Ram chanchin ṭha puang zêl r’u;
Thutak ngaina zawng zawngte,
Hriattîr r’u, he chanchin hi;
Isua’n Diabol leiah a paih,
Rei lo têa phuar tûr chu;
A mante chu a chhuah thuai dâwn,
Hmêlmate chu hlau suh u.
(THUNAWN)
Aw, duh takte u, hlau suh u,
An vau thu lêng vêl mah se;
Ka mi rinawm chu ka hum ang,
Ka mit nautê ang maiin.
-
2. In hmêlmate chu an tamin,
Vau leh sawi chhiat thu sawiin,
Hruai sual leh thlêmthlu tûrin,
Nuih tlawn vêl che u mah se;
Hlau suh u, ka mi rinawmte,
Tihduhdahna a hrân paw’n;
A rinawmte ka hum dâwn si,
Hmêlma an tlâwm vek thlengin.
(THUNAWN)
Aw, duh takte u, hlau suh u,
An vau thu lêng vêl mah se;
Ka mi rinawm chu ka hum ang,
Ka mit nautê ang maiin.
-
3. Theihnghilh in nih hlau rêng rêng s’u,
In chakna leh phaw ka ni;
Râl lakah tlâwm mah ula,
Thihna pawh ka tibo vang;
Chatuan nunna paih bo thei lo,
Taksa tihlumtu hlau s’u;
In tum ram ka thlen ang che u,
A tâwp thlengin rinawm r’u.
(THUNAWN)
Aw, duh takte u, hlau suh u,
An vau thu lêng vêl mah se;
Ka mi rinawm chu ka hum ang,
Ka mit nautê ang maiin.
(Deut. 32:10; Neh. 4:14; Sâm 59:1; 83:2, 3 en bawk rawh.)