1. Pathian tân fakna, Hla thar leh lâr tak chu sa r’u,

Thil ropui a tihte, a tih tûrte hrilin;

A chakna fak r’u; Hnehna Pathian a ni si a,

Dikna a awm theih nân,

Fel takin ro a rêl.

2. Hlim takin zai r’u, Pathian leh kan Lalber hnênah!

A hming chu chawimawi r’u, Hlimna fak hla sain;

Mipui chu finin, Lalpa hmaa fak aw chhuahin,

Ṭingṭang leh tawtawrâwt,

Rimawi remin fak r’u.

3. Tuifinriat ropui Leh a chhûnga chêngte’n fak se,

Leia thil siamte nên, Lâwmin au chhuak rawh se;

Khawmual hi lâwmin, Luipuite’n an kut bêng rawh se,

Tlâng tin leh mual tinte’n,

Ram tinah fak rawh se.