1. Lalpa rawngbâwlnaah lo tel r’u,

Thu âwiha a sâwmna pawmin;

Ṭanpui leh kaihhruaina pêk min tiam,

Kawng min hmuh a zirtîrnain;

Lalram thutak chi a ṭhang chho thei ang,

Thinlung dik leh ṭhaahte chuan;

Rinawm taka kan theihna zawng zawng hmangin,

Kan thawk ang he rawngbâwlnaah hian.

2. Rawngbâwlnaa kan hlawhtlin dân chu,

A innghat thui hle kan chungah;

Chanchin ṭha hriate’n ṭanpui an ngai,

Thutak zira nunpui tûrin;

Ṭanpui zêl ang che, hmachhawn thei tûrin,

Harsatna an tawh tûrte chu;

Thutak chi a ṭhan dân kan hmuh hunah chuan,

Nî tin kan awm ang hlim leh lâwmin.