HLA 8
Jehova Kan Himna Hmun
(Sâm 91)
-
1. Jehova kan himna hmun,
Kan rinchhan kan Pathian;
A hlim chu kan bihrûkna,
Kan awm rengna tûr chu;
A humhim ang mi rinawm chu,
Kan rinchhan thei a tiam thu chu.
Jehova chu kulhpui nghet,
Kumkhuain a rinawm reng ang.
-
2. Sâng tam tak pawh tlu mah se,
Kan kiang hnai vêlah hian;
Thlahthlamin an awm ngai lo’ng,
Inngaitlâwm, rinawm chu;
Hlauhawm râpthlâk a thlen hun chuan,
Hlauva kan khurh a ngai lo vang;
Kan Lalpa’n min humhim ang,
A thlazâr hnuaiah kan awm ang.
-
3. Jehova’n min vênghim ang,
Kan kawnga thang lakah;
Zân thima thil hlauhawm leh,
Chhûn êng thal lêng lakah;
Hlau leh zam chhan tûr kan nei lo,
Min vênghim ang khawi hmunah pawh;
Jehova kan himna hmun,
Kawng tluanin min vênghim reng ang.
(Sâm 97:10; 121:3, 5; Is. 52:12 en bawk rawh.)