1. Rinawma Jaa rawng kan bâwl nân,

Infuiha kan intihchak hian,

A nghet lehzual unau hmangaihna,

Kan nei remna leh lungrualna;

Pathian mite neih hmangaihna chuan,

Chhel tûrin huaisenna min pe;

Kan inkhâwmna kohhran chu kulhpui,

Rilru muanna kan neihna hmun.

2. A hun taka sawi chhuah ṭawngkam chu,

A ni, ngaihthlâk a va nuam êm!

Kan ṭhian rinawmte hnên aṭangin,

Thlamuan thute kan hre thei ṭhîn;

Kan beisei leh thiltum ang neite,

An ruala rawngbâwl hi a nuam!

Intihchak tawn dân tûrte zawngin,

Kan ritphurhte kan inchhâwk ṭhîn.

3. Rinna mitin tûnah kan hmu thei,

A hnai e, Lal Jehova nî;

Kan inkhâwmte i bânsan lo’ng u,

Pathian kawnga kal zêl tûrin;

Lungrual takin Jehova mite’n,

Chatuana a rawngbâwl an duh;

Chuvângin kan infuih tawn reng ang,

Rinawmna vawng nghet reng tûrin.