Hla 153
Engtin Nge I Awm Ṭhin?
Download:
(Hebrai 13:15)
-
Engtin nge i awm ṭhin,
taima taka zirtîrin,
Mi rilru ṭhate hnên’an
chanchin ṭha i hril hian?
Theih tâwp i chhuah hriain,
Lalpa’n a chhawmdâwl ang che;
A hria rilru ṭha pute—
amah duhna neite.
(THUNAWN)
Kan va hlim êm, aw kan chhuah hian,
rilru leh thinlung kan pêk hian;
Faka inthawina dai suh se,
kan dam chhûng nî zawng hian.
-
Engtin nge i awm ṭhin,
i ṭawngka chhuak thlum takin,
Chatuan nun duhna neite
thinlung a khawih hun hian?
Mi ṭhenkhatin an hnâwl,
a dangin hruai bo an tâwk;
Mahse i hming chhuang takin
kan puang chhûn nî tinin.
(THUNAWN)
Kan va hlim êm, aw kan chhuah hian,
rilru leh thinlung kan pêk hian;
Faka inthawina dai suh se,
kan dam chhûng nî zawng hian.
-
Engtin nge i awm ṭhin,
Pathian puihna a takin,
Rawngbâwlna min kawltîra
chawimawina kan dawn hian?
Kan zirtîr thu hrilin,
ṭawngkam ngilneite hmangin;
A thleng tlâkte kan zawnna,
thawh rei a ngai tawh lo’ng.
(THUNAWN)
Kan va hlim êm, aw kan chhuah hian,
rilru leh thinlung kan pêk hian;
Faka inthawina dai suh se,
kan dam chhûng nî zawng hian.
(Tirh. 13:48; 1 Thes. 2:4; 1 Tim. 1:11 en bawk rawh.)
