Download:

• Lead Sheet

1. 1. Lalṭhutphah ropui bera ṭhu,

   Tlukpui nei lo, Jehova!

   Engtin nge ka pêk lêt nâng che,

   I hmangaihna lantîr zawng zawng?

   Mawina leh ropuinaa khat,

   Vân thiang tak ka thlîr chhoh hian:

   Eng nge maw ka nih a, mi hriat,

   I khawngaihna ka dawn leh ṭhin?

   (THUNAWN)

   Aw, Jehova! Lal Ropui, Chungnung Ber,

   Lalte Lal, Chatuan Pathian;

   Aw, nang chauh hian, fak leh chawimawi i phû,

   Ka hlân a che, aw Lalpa,

   Chawimawina zawng zawng i tân.

2. 2. Ka nunna hi, aw, Jehova,

   Kum tluangin, i ta ni se;

   I kawng mak ropui tak puangin,

   Chhûn nî tin i ṭhatna ka hril;

   Rawngbâwlna min kawltîr vângin,

   Chhuang takin ka bâwl zêl ang;

   Ka Lungpui nghet, chakna Pathian,

   Chatuanin min hruai reng nâng che.

   (THUNAWN)

   Aw, Jehova! Lal Ropui, Chungnung Ber,

   Lalte Lal, Chatuan Pathian;

   Aw, nang chauh hian, fak leh chawimawi i phû,

   Ka hlân a che, aw Lalpa,

   Chawimawina zawng zawng i tân.

3. 3. Hnuai leia, tuipui leh ruam te,

   Thang vân, si-ar, nî leh thla,

   Min fan chhuak ta, i hmangaihna’n!

   A mak, ropui, lung lâwm a kim;

   Zahawmna, finna leh, mawina:

   A lang chhuak i thil siama’n,

   Aw, Lalpa, i kut chhuak vângin,

   Fak lovin, ka awm thei lo’ng e.

   (THUNAWN)

   Aw, Jehova! Lal Ropui, Chungnung Ber,

   Lalte Lal, Chatuan Pathian;

   Aw, nang chauh hian, fak leh chawimawi i phû,

   Ka hlân a che, aw Lalpa,

   Chawimawina zawng zawng i tân.