O kubʼ bʼinchaʼn tembʼil te Internet lu tuʼn tonin tiʼja tuʼn tok tojtzqiʼna mas Dios, aju Tyol ex qe testigos de Jehová. Jaku jaw tuʼjina, jaku tzʼok tkeʼyina ex jaku kuʼtz tiʼna tqanil tgana. Qajbʼile tuʼn tonin tembʼil lu kyiʼj kykyaqil xjal, noqtzun tuʼnj, mintiʼ tuʼn tjax tqʼoʼna tqanil in kubʼ qʼoʼn toj tembʼil lu toj juntl tembʼil te Internet moqa toj jun aplicación. Qa taja tuʼn tok kykeʼyin txqantl aju otoq tzʼel tnikʼa tiʼj toj tembʼil lu, mas bʼaʼn tuʼn t-xi tqʼamaʼna kye tuʼn kyoktz toj tembʼil ex tuʼn t-xi kybʼiʼn aju in tzaj tqʼamaʼn Tqanil tiʼj alkye tten tuʼn tajbʼen.

•  Copyright

•  Kybʼi junjun programa

•  Tqanil tiʼj alkye tten tuʼn tajbʼen

•  Tqanil at toklen kyukʼil aj qʼanil

•  Aju mintiʼ toklen nix tpaj tembʼil lu tiʼj

•  Qa mintiʼ ma japun twiʼ Tqanil tiʼj alkye tten tuʼn tajbʼen

•  Chʼixpubʼil tiʼj

•  Qe ley at kyoklen tiʼj ex aju jaku bʼant kyuʼn

•  Tuʼn tel tpan tibʼ tiʼj

•  Yol in kyaj bʼant tiʼj tkyaqil

© 2024 Watch Tower Bible and Tract Society of Pennsylvania, Inc. Todos los derechos reservados.

In che kubʼ tqʼoʼn Watchtower Bible and Tract Society of New York, Inc. (aju kʼokel qqʼoʼn tbʼi te «Watchtower» toj uʼj lu) tqanil moqa xnaqʼtzbʼil toj tembʼil lu ex kukx in noq tqʼoʼn twitz tiʼj moqa in bʼaj tbʼinchaʼn chʼintl. Oʼkx qa ma tzʼaj qʼamaʼn junxitl tqanil, pero tkyaqilju at toj tembʼil lu tuʼn Watch Tower Bible and Tract Society of Pennsylvania («Watch Tower») o kubʼ qʼoʼn ex o tzʼel nikʼbʼaj tiʼj.

Adobe, aju techel Adobe, Acrobat ex aju techel Acrobat, kyechel programa bʼinchaʼn maj qe tuʼn Adobe Systems Incorporated. iTunes ex iPod, kyechel programa bʼinchaʼn qe maj tuʼn Apple Inc. Microsoft, aju techel Microsoft, ax ikx tbʼi alkyexku juntl programa ex qa juntl tiʼ bʼinchaʼn maj tuʼn Microsoft, axpe ikx Microsoft Office ex Microsoft Office 365, kyechel programa bʼinchaʼn maj qe tuʼn Microsoft Inc. Android, registrarin taʼ tuʼn Google LLC. Aju robot te Android in bʼant moqa in chʼexpaj tuʼn aqʼuntl in bʼant ex in xi tsipen Google LLC, ex in najbʼen ik tzeʼn in tzaj qʼamaʼn toj licencia tuʼn t-xi sipet te Creative Commons 3.0(https://creativecommons.org/licenses/by/3.0/us/). Kykyaqil txqantl kyechel programa in che ajbʼen ex registrarin ateʼ, aʼyex tajaw ex teyele junjun at toklen tiʼj.

In najbʼen tembʼil lu ik tzeʼnx in tzaj tqʼamaʼn Tqanil tiʼj alkye tten tuʼn tajbʼen at jaʼlo. Aj tajbʼen tembʼil lu tuʼna, il tiʼj tuʼn kyjapun kykyaqil Tqanil tiʼj alkye tten tuʼn tajbʼen, ex junjuntl Tqanil tiʼj alkye tten tuʼn tajbʼen (kykyaqilx, «Tqanil tiʼj alkye tten tuʼn tajbʼen»), aʼyeju in che tzaj qʼamaʼn toj tembʼil te Internet lu. Mintiʼ tuʼn tajbʼen tembʼil lu tuʼna qa nya taja tuʼn kyjapun kykyaqil moqa junjun tqanil tiʼj alkye tten tuʼn tajbʼen tembʼil lu.

¿Tzeʼn tuʼn tajbʼenxix tembʼil lu?

• ● Jaku che ok keʼyin, jaku che kuʼtz qʼiʼn ex jaku che etz imprimirit qe uʼj ateʼ toj tembʼil, qe tilbʼilal bʼinchaʼn maj ex junjuntl tilbʼilal, qe video ex qe audio o che bʼaj bʼinchaʼn tuʼn Watch Tower. Noqtzun tuʼnj, oʼkx jaku tzʼajbʼen tuʼna ex mintiʼ tuʼn tok te kʼaẍjel.

• ● Jaku cheʼx samet enlace ex jaku cheʼx samet copia kyiʼj uʼj kyoj kʼuxbʼil, aʼyeju jaku che kuʼtz iqʼet, qe video moqa audio.

Noqtzun tuʼnj, mintiʼ tuʼn tbʼant aju tzul qʼamaʼn:

• ● Tuʼn kyjax qʼoʼn tilbʼilal bʼinchaʼn maj ex junjuntl tilbʼilal, qe uʼj, aju kyechel moqa kybʼi junjun programa, qe bʼitz, qe video ex qe xnaqʼtzbʼil o che kubʼ qʼoʼn toj tembʼil te Internet lu kyoj junjuntl tembʼil te Internet (nix kyoj redes sociales nix kyoj tembʼil jatumel in che kubʼ qʼoʼn video moqa junjuntl tiʼchaq).

• ● Tuʼn kyxi sipet tilbʼilal bʼinchaʼn maj ex junjuntl tilbʼilal, qe uʼj, aju kyechel moqa kybʼi junjun programa, qe bʼitz, qe xnaqʼtzbʼil ex qe video o che kubʼ qʼoʼn toj tembʼil te Internet lu toj juntl programa moqa aplicación (axpe ikx tuʼn tjax qʼet tkyaqil jlu toj jun tembʼil in najbʼen tuʼn kyxi kʼuʼt ex tuʼn tajbʼen tuʼn juntl programa).

• ● Tuʼn tetz juntl maj, tuʼn tetz copia tiʼj, tuʼn t-xi samet kye txqantl moqa tuʼn tajbʼen qe tilbʼilal bʼinchaʼn maj ex junjuntl tilbʼilal, qe uʼj, aju kyechel moqa kybʼi junjun programa, qe bʼitz, qe xnaqʼtzbʼil ex qe video o che kubʼ qʼoʼn toj tembʼil te Internet lu noq tuʼn tkambʼet pwaq moqa tuʼn tok te kʼaẍjel (maske in kubʼ ximet tuʼn miʼn tkambʼet pwaq kyiʼj).

• ● Tuʼn kybʼaj bʼinchet programa moqa aplicación ex qa tuʼn tajbʼen junjuntl tumel, tuʼn tjaw chmet tqanil, tuʼn tetz copia tiʼj, tuʼn tkuʼtz iqʼet, tuʼn kyetz iqʼet tqanil, qe página HTML, qe tilbʼilal ex qe xnaqʼtzbʼil o che kubʼ qʼoʼn toj tembʼil te Internet lu noq tuʼn kyxi sipet. (Nya t-xilen jlu qa mlay che bʼaj sipen aplicación jaku che kuʼtz iqʼet noq kukx, aʼyeju bʼinchaʼn maj tuʼn kykuʼtz iqʼet archivo EPUB, PDF, MP3 ex MP4 ateʼ toj tembʼil lu ex jaku kuʼtz tiʼn alkyexku xjal).

• ● Tuʼn tajbʼen tembʼil te Internet lu nya toj tumel ex tkyaqilju o kubʼ qoʼn toj; jun techel, tuʼn miʼn tbʼant junjun tiʼ toj moqa tuʼn qokx toj toj junxitl tten ik tzeʼn in tzaj qʼamaʼn.

• ● Tuʼn tajbʼen tembʼil lu toj jun tten jaku tzaj nya bʼaʼn tiʼj moqa tuʼn tbʼant jun tiʼ tuʼn ya miʼn qokx toj. Ax ikx mintiʼ tuʼn tajbʼen ik tzeʼn mintiʼ in tzaj tqʼamaʼn ley moqa noq tuʼn tok bʼinchaʼn nya bʼaʼn tiʼj, moqa tuʼn tajbʼen tukʼilju mintiʼ in tzaj tqʼamaʼn ley tuʼn tbʼant ex qa noq tuʼn tbʼinchet jun nya bʼaʼn.

• ● Tuʼn tajbʼen tembʼil te Internet lu ex alkyexku tilbʼilal bʼinchaʼn maj ex junjuntl tilbʼilal, qe uʼj, aju kyechel moqa kybʼi junjun programa, qe bʼitz, qe xnaqʼtzbʼil ex qe video noq tuʼn t-xi qʼet jun tqanil moqa publicidad.

• ● In najbʼen Google Maps tuʼn tembʼil te Internet lu ex mintiʼ in noq qxqʼuqine. Tuʼntzunju, tkyaqilju kxel tbʼinchaʼna toj Google Maps, il tiʼj tuʼn tbʼant ik tzeʼn in tzaj tqʼamaʼn términos adicionales de servicio vigentes de Google Maps/Google Earth. Mintiʼ in tzaj qʼamaʼn aj tbʼaj bʼinchaʼn chʼintl. Tuʼntzunju, keʼyinka qe tqanil naʼmxtoq tajbʼen Google Maps tuʼna. Mintiʼ in tzaj tqʼamaʼn Google Maps qeye tiʼ in bʼant tuʼn junjun xjal.

O bʼaj bʼinchaʼn plaj at toklen kyukʼil aj qʼanel toj jw.org noq tuʼn ttzaj qʼoʼn tqanil. Mintiʼ o kubʼ bʼinchaʼn tuʼn ttzaj tqʼoʼn nabʼil kyiʼj qʼanbʼil nix tuʼn miʼn t-xi qbʼiʼn aju in tzaj kyqʼamaʼn aj qʼanil, tuʼn ya miʼn qxiʼ kyukʼil doctor moqa tuʼn miʼn t-xi qkʼamoʼn qʼanbʼil jaku tzaj kyqʼoʼn. Mintiʼ in tzaj tqʼamaʼn plaj lu qa b’a’n nix in nonin tiʼj jun tiʼ in tzaj kyqʼamaʼn doctor, kyiʼj doctor, kyiʼj qʼanbʼil, tiʼjju il tiʼj tuʼn tbʼant, tiʼjju in kyqʼamaʼn junjun xjal moqa tqanil in tzaj qʼamaʼn tzalu.

Qa in bʼaj tkʼuʼja tiʼj jun tiʼ at toklen tukʼil jun tchyoʼn tiʼja moqa tukʼil jun tqʼanbʼila, mas bʼaʼn qa ma txiʼya tukʼil jun aj qʼanil at tojtzqibʼil ex jaku tzaj tqʼoʼn tnabʼila.

In nok tilil tuʼn tembʼil te Internet lu tuʼn tkubʼ tqʼoʼn tqanil tzʼaqlixix ex aju kʼitzqeku tzʼetz. Noqtzun tuʼnj, in kubʼ qʼoʼn tqanil ik tzeʼnx o tzʼetz ex mintiʼ toklen tiʼj jun nya bʼaʼn jaku tzaj. Mintiʼ toklen tembʼil te Internet lu tiʼjju jaku tzaʼj tuʼn tqanil o kubʼ qʼoʼn, aju at toklen kyukʼil aj qʼanil, noqtzun tuʼnj, ax ikx jaku tzʼonin kyiʼj kʼaybʼil qa ma tzʼajbʼen kyuʼn. Mintiʼ in tqʼamaʼn tembʼil te Internet lu qa jaku tzʼok qeʼ qkʼuʼj tiʼj tqanil, qa tzʼaqli, qa kʼitzqe kubʼ qʼoʼn, qa at tajbʼen ex qa at tkyaqil tqanil toj. Mintiʼ tpaj tiʼj qa nya tzʼaqli tqanil tkubʼ toj ex qa at junjun tiʼ mintiʼ o kubʼ qʼoʼn. Teyele junjun kbʼel ximente qa jaku tzʼajbʼen tqanil at toklen kyukʼil aj qʼanel tuʼn, aju o kubʼ qʼoʼn toj tembʼil lu. Mlay tzʼok qʼoʼn tpaj tembʼil te Internet lu qa ma tzaj jun nya bʼaʼn (junjun nya bʼaʼn jaku tzaj aju at chʼin toklen tukʼil tqanil o kubʼ qʼoʼn, ex qa jun nya bʼaʼn jaku tzaj tiʼj t-xmilal jun xjal moqa noq minabʼen jaku kyim tuʼn, najsbʼil tiʼjju tbʼanel ex junjuntl nya bʼaʼn jaku tzaj te tibʼajxi ex qa tiʼj jun kʼaybʼil), tuʼnju ma tzʼajbʼen tqanil tkubʼ tzalu aju at toklen kyukʼil aj qʼanil, maske jaku tzaj qʼamaʼn qa ma txi bʼinchet ik tzeʼnx in tzaj tqʼamaʼn jun tqanil moqa xnaqʼtzbʼil, jun yol kyaj bʼant tiʼj moqa alkyexku juntl tiʼ at toklen tukʼil ley, ex maske o tzaj qʼamaʼn te tembʼil lu moqa mintiʼ kyiʼj junjun tiʼ jaku bʼaj moqa jaku tzaj kyqʼamaʼn xjal kyiʼj tqanil o che kubʼ qʼoʼn.

Noq tuʼn Watchtower in tzaj qʼoʼn tkyaqil tqanil tkubʼ toj tembʼil te Internet lu, ax ikx qe txqantl xnaqʼtzbʼil. Mintiʼ toklen Watchtower tiʼj alkyexku nya bʼaʼn jaku tzaj tuʼnju in tzaj qʼamaʼn toj tembʼil lu, qa in tzaj qʼamaʼn moqa mintiʼ.

Mintiʼ in tzaj tqʼamaʼnxix Watchtower qa mintiʼ jun virus moqa junjuntl tiʼ jaku tzaj nya bʼaʼn kyuʼn kyoj tembʼil te Internet. Mintiʼ toklen Watchtower tiʼj alkyexku nya bʼaʼn jaku tiʼj jun xjal qa ma tzʼajbʼen alkyexku tqanil moqa xnaqʼtzbʼil tuʼn, aju o kubʼ qʼoʼn toj tembʼil lu, kyxol nya bʼaʼn ateʼ jlu: aju nya bʼaʼn jaku tzaj tiʼja, tiʼj juntl xjal, aju nya bʼaʼn jaku tzaj te tibʼajxi, aju jaku kubʼ qʼoʼn tkastiwa tuʼn ex junjun najsbʼil (ape ikx aju tbʼanel jaku tzaj teya tuʼn).

Qa in xi tbʼiʼna qe txqantl Tqanil tiʼj alkye tten tuʼn tajbʼen tembʼil lu, noqtzun tuʼnj, qa miʼn xjapun jun kyxol Tqanil tiʼj alkye tten tuʼn tajbʼen tembʼil te Internet lu tuʼna, kbʼel tbʼinchaʼn Watchtower aju mas bʼaʼn jaku tzʼela toj twitz. Jaku tzʼel tiʼn ambʼil teya tuʼn miʼn tokxa toj tembʼil te Internet lu toj chʼin ambʼil moqa te jumajx, tuʼn miʼn tbʼant tokxa toj tembʼil lu kyoj computadora jatumel at teya tdirección IP toj, tuʼn t-xi tqʼamaʼn teju empresa in tzaj qʼonte Internet teya tuʼn miʼn ttzaj tqʼoʼn ambʼil tuʼn tokxa toj tembʼil lu moqa tuʼn t-xi tqʼamaʼn te jun ja te kawbʼil.

Toj alkyexku ambʼil jaku kubʼ tchʼixpuʼn Watchtower qe Tqanil tiʼj alkye tten tuʼn tajbʼen tembʼil te Internet lu. Noq tiʼxku chʼixpubʼil kyiʼj tqanil lu kxel tzyet tuʼn kyajbʼen aj kykubʼ qʼet toj tembʼil. Kukx qʼonk twitza tiʼj tqanil lu tuʼn tel tnikʼa tiʼj alkye junjun chʼixpubʼil in kubʼ qʼet.

Aʼyeju Tqanil tiʼj alkye tten tuʼn tajbʼen tembʼil te Internet lu kjapunel kywiʼ ik tzeʼnx in tzaj kyqʼamaʼn ley te tnam Nueva York (Estados Unidos), maske junxitl kawbʼil at toj junjuntl tnam. Qa ma txi kawin jun xjal tiʼj tiʼxku at toklen kyukʼil Tqanil tiʼj alkye tten tuʼn tajbʼen tembʼil te Internet lu, kxel samet toj ja te kawbʼil at toj tnam Nueva York (Estados Unidos).

Qa at jun ja te kawbʼil te jun tnam saj qʼamante qa at jun Tqanil tiʼj alkye tten tuʼn tajbʼen tembʼil te Internet lu nya bʼaʼn taʼ, mintiʼ toklen moqa mlay japun twiʼ, kukx kjapunel kywi txqantl tqanil. Qa mintiʼ xjapun jun kyxol tqanil lu tuʼn Watchtower nya a t-xilen jlu qa miʼn japun twiʼ tqanil lu tuʼn jun xjal in nokx toj tembʼil te Internet, nix tuʼn tkubʼ qximen qa mintiʼ toklen Watchtower tuʼn kyjapun twiʼ tqanil lu tuʼn.

Aʼyeju Tqanil tiʼj alkye tten tuʼn tajbʼen tembʼil te Internet lu in kyaj bʼant tiʼj jun yol tuʼna tukʼil Watchtower Bible and Tract Society of New York, Inc. tiʼj tkyaqil tqanil tiʼj alkye tten tuʼn tajbʼen tembʼil lu. Noq alkyexku jun yol kyaj bʼant tiʼj tej naʼmxtoq kybʼant tqanil lu tiʼj alkye tten tuʼn tajbʼen tembʼil lu ya mintiʼ toklen moqa mintiʼ tajbʼen.