Tuʼn tkutz qiʼn:

• Tukʼil partitura

1. 1. Jaku che ok tbʼiʼna ave

   in che tzalaj aj tetz Qʼij.

   In nayona tuʼn tpon ambʼil

   tuʼn kyjaw weʼ toj tjaya o che kyim.

   In noqʼa tuʼn tzalajbʼil

   aj kyok tkaʼyina juntl maj.

   Ya niqayintoq taʼ qʼij

   tuʼn qten toj Tbʼanel Najbʼil.

2. 2. At jun ja ma bʼant toj chqʼajlaj

   ex juntl ma kubʼ qʼoʼn ttzi aʼ.

   Nim tzalajbʼil in kubʼ tnaʼna

   aj tok tbʼiʼna tqʼajqʼajel twi aʼ.

   Bʼinchanku ttena jaʼlo

   tuʼntzun t-xiʼya chmol awal.

   Ya niqayintoq taʼ qʼij

   tuʼn kyten kykyaqil toj txubʼtxaj.

   (PUENTE)

   In qo anqʼin twitz akʼaj Txʼotxʼ,

   atoʼ junx kyukʼil qe qamiw.

   Ya kuʼxun qe kykyaqil juntl maj,

   mintiʼ oqʼel, kʼixkʼoj ex bʼis.

3. 3. Puro tbʼanel kyqʼiqʼ at kyxol tzeʼ,

   in che bʼitzen xjal kyiʼj bʼitz.

   Ata kyukʼil qe toj tjaya,

   mas in noka tzʼaqli junjun qʼij.

   In xi tqʼoʼna chjonte te Dios

   tuʼn tkʼujlabʼil tzʼaqli qiʼj.

   Ya niqayintoq taʼ qʼij

   tuʼn qtzalaj kyiʼj kʼiwlabʼil.

   (PUENTE)

   Ya ma pon ambʼil tuʼn qten junx,

   nimxix tzalajbʼil in kubʼ qnaʼn.

   Ma japun twi nwitzikʼe lu

   ex ktela ntxlaje te jumajx.

4. 4. Chʼix tul kanin ambʼil

   tuʼn tul Tbʼanel Najbʼil lu.

   O tzaj tziyen jlu qe tuʼn Dios,

   qʼuqli nkʼuʼje tiʼj qa kbʼantel tuʼn.

   Mlay chin sikte tuʼn nayone

   tiʼjju tbʼanel ambʼil tzul,

   atz in chin ximane tiʼj.

   Ya niqayin taʼ tuʼn tjapun.