1. Kubʼ tyekʼin Jehová tkʼujlabʼil ax tok qiʼj

tej ttzaj tqʼoʼn oʼkxku Tkʼwaʼl.

Jun yekʼbʼil jlu tiʼj kʼujlabʼil axix tok,

qo lepeʼk tiʼj techel Jehová.

Kubʼ t-ximen tuʼn qklet tiʼj kyimen ex tiʼj il.

O che kubʼ najsaʼn qe qil tuʼn Jehová Dios.

Qʼanchaʼl tiʼj tbʼinchbʼen qa at nim tkʼujlabʼil.

Ate Jehová kʼujlabʼil ax tok.

2. Kbʼel qyekʼin ax tok kʼujlabʼil kyiʼj qukʼil

ik tzeʼn te Qman Jehová.

Che okel qkʼujlaʼn erman tuʼn tkyaqil qkʼuʼj,

ik tzeʼn qe xuʼj, xinaq ex kʼwaʼl.

In qo tzalaj tuʼn tkubʼ qyekʼin qkʼujlabʼil

tiʼj Qman Jehová ex tuʼn qonin kyiʼj txqantl.

Bʼaʼn tuʼn tkubʼ qnajsaʼn kyil txqantl aj kyel txalpaj,

tuʼn qʼaqʼbʼil qkʼuʼj at kyiʼj qe erman.

3. In nonin ax tok kʼujlabʼil tuʼn qten junx,

ik qoʼ tzeʼn jun ja xjal.

In qo tzaj t-xnaqʼtzaʼn Jehová tukʼil Xjan Uʼj

tuʼn kyok qkʼujlaʼn qeju erman.

Bʼaʼn tuʼn kylonte txqantl qa at-xix qkʼujlabʼil;

qo tzalaj qkyaqil tiʼj mujbʼabʼil at qxol.

Ateʼqe qamiw tzalu tuʼn ttzaj kynaʼn qe

qa ate Dios kʼujlabʼil ax tok.