1. Nim toklen tbʼi Dios toj twitz

ex tajbʼil tuʼn tok tqʼoʼn te xjan.

Quʼn ma tzikʼ nimxix ambʼil

in nel ikʼun tbʼi kyuʼn qe xjal.

Noq tuʼnju at tkʼujlabʼil,

nim tpasens ex qʼaqʼbʼil tkʼuʼj,

in nikʼx tkyaqil nya bʼaʼn tuʼn

ex taj tuʼn tbʼant jlu quʼn.

Naʼmx ttzaj tiʼn aju xitbʼil,

quʼn nya tajbʼil tuʼn tnaj jun xjal.

Noq tuʼnju tpasens Dios at,

che anqʼil nim xjal te jumajx.

2. Nim toklen tuʼn tkubʼ qyekʼin

qpasens ik tzeʼn te Jehová.

In nonin tuʼn miʼn ttzaj qqʼoj

ex tuʼn mi’n taj qqʼoʼn t-xel nya bʼaʼn.

Ax ikx in nonin tuʼn qjyon

tiʼjju tbʼanel kymod erman

ex tuʼn tten tbʼanel qximbʼetz

kyoj qeju ambʼil kwest.

Ok kʼonil xewbʼaj xjan qiʼj

tuʼn tkubʼ qyekʼin tbʼanel mod lu.

Bʼaʼn tuʼn tten qpasens jaʼlo

ex kukx qo ajbʼel te Jehová.