1. Qo ten tzʼaqli twitz Jehová Dios,

qyekʼinx nim qkʼujlabʼil tiʼj.

Tuʼn tkyaqil qkʼuʼj ex tzalajbʼil

che xel qbʼiʼn tley junjun qʼij.

Tzʼaqlixix te Qtat at toj kyaʼj

ex in japun twiʼ qe tyol,

in tzaj tyekʼin tbʼanel bʼe qe.

Qaj tuʼn kukx qajbʼen te Dios.

2. Qo ten tzʼaqli ex qo onin

kyiʼj kykyaqil qerman twitz Txʼotxʼ.

In kubʼ qyekʼin qʼaqʼbʼil qkʼuʼj kyiʼj

tukʼil tbʼanel qmod ex qyol.

Tbʼanel tuʼn tok qqʼoʼn qoklen qxolx

ex qbʼinchanku aju bʼaʼn.

Qqʼonx naj onbʼil aj ttzaj nya bʼaʼn,

miʼn che kyaj qtzaqpiʼn qerman.

3. Qo ten tzʼaqli ex qo onin

kyiʼj qerman qʼil twitz aqʼuntl.

Qbʼinx qe kawbʼil in tzaj kyqʼoʼn qe,

qo lepeʼk tiʼj bʼe qʼanchaʼl.

Nim kʼiwlabʼil tzul tqʼoʼn Dios qe

tuʼnju in kubʼ qbʼinchaʼn jlu.

Qa ma qo bʼet tzʼaqlixix twitz,

kkolil qiʼj toj ambʼil tzul.