BʼITZ 134
Jun oyaj qe kʼwaʼl tuʼn Dios
-
1. Qa o tzul itzʼj jun tal kykʼwaʼle,
xi qʼoʼn jun tbʼanel kyoklene tuʼn Qtat.
Bʼaʼn tuʼn ttzaj kynaʼne qa kxel kyqʼoʼne
tajlal tiʼj kykʼwaʼle te Jehová.
Jun oyaj jlu tuʼn Qman Dios kyeye,
atz tukʼil in tzaj twiʼ aʼ te chwinqlal.
In tzaj tqʼoʼn tbʼanel nabʼil toj Tyol
tuʼn tonin kyiʼje tuʼn kychʼiy tal kʼwaʼl.
(QKYAQIL)
Jun tbʼanelxix oyaj qe kʼwalbʼaj,
aqeye ok che xqʼuqil kyiʼj.
Kyxnaqʼtzanxe kye aju tley Qman Dios,
atzun mas tbʼanel xnaqʼtzbʼil jlu.
-
2. Tenx toj kyanmiye qe kawbʼil
in tzaj tqʼoʼn Dios, tuʼnju nimxix kyoklen.
Kyxnaqʼtzanxe kye kykyaqil tal kykʼwaʼle
tukʼil kʼujlabʼil ex pasens.
Kyqʼamanxe kye aj kyxiʼye toj bʼe,
ex aj kyjaw weʼye ex aj kyxiʼye jtal.
Iktzun tten ok kxel kykʼuʼn toj kyanmi
ex che ajbʼel tzʼaqli twitz Jehová.
(QKYAQIL)
Jun tbʼanelxix oyaj qe kʼwalbʼaj,
aqeye ok che xqʼuqil kyiʼj.
Kyxnaqʼtzanxe kye aju tley Qman Dios,
atzun mas tbʼanel xnaqʼtzbʼil jlu.
(Ax ikx jyonkuxa Deut. 6:6, 7; Efes. 6:4; 1 Tim. 4:16).
