1. Qman Dios, ma tzʼok qchmoʼn qibʼe twitza

toj tbʼanel qonikʼen lu xjan.

Nim tkʼujlabʼila ex tipumala Jehová,

kubʼ tyekʼina ojtxe kywitz xjal.

Ajbʼen tchkʼel jun tal ẍneʼl toj Xjan Qʼij

tuʼn kyklet Israel kyiʼj aj qʼoj.

Tej tikʼ nim syent abʼqʼi, xi tqʼoʼn Cristo tchwinqlal

noq tuʼn tjapun twi t-xima Qman Dios.

2. In tzaj tnaʼn pan ex vino qeye

qa xi tqʼoʼn Jesús tibʼ tuʼn tkyim.

Tzaj tsamaʼna twitz Txʼotxʼ

ex ikʼx nim yajbʼil tuʼn.

Tuʼn tchkʼel o qo etze tjaqʼ il.

In xi qqʼoʼne nim chjonte teya

toj Nabʼitz Tkyimlen Cristo lu.

Noq tuʼn chojbʼil xi tqʼoʼn

Tkʼwaʼla qiʼje Jehová,

te jumajx o qo tzaqpaje tuʼn.

 3. Ma qo ule toj tbʼanel qʼij lu,

tuʼn txokbʼil saj tqʼoʼna Jehová,

tuʼn tok qqʼoʼne toklen

chojbʼil xi tqʼoʼn Jesús

ex tuʼn tjaw nimset tbʼiya xjan.

Chʼiysama qkʼujlabʼile tiʼja

toj Nabʼitz te qonikʼen lu.

Qo anqʼile ik tzeʼn o kyaj tyekʼin Jesús

ex ktel qchwinqlale toj ambʼil tzul.