1. Qʼonka twitza tiʼj witz

aju etzan tuʼn Jehová,

nim tweʼ toj ambʼil jaʼlo

ex qʼanchaʼlxix taʼ wen.

Najchaq in che tzaj xjal

ex in xi kyqʼamaʼn kye txqantl:

«Qoʼqe tuʼn qajbʼen junx

te Qman Dios tuʼn tkyaqil qkʼuʼj».

Ik tzeʼn tzaj ttziyen Dios,

ma tzʼok tal chʼuq xjal te jun nasyon.

Akux in chʼiy nim qbʼet,

kʼokel qkeʼyin tkʼiwlabʼil Jehová.

Nim xjal in nok laqʼeʼ

ttxlaj Jehová tuʼn kynimen te.

Kyaj tuʼn kyten tzʼaqli twitz

ex tuʼn kybʼet toj tbʼanel tbʼe.

 2. Kyaj tqʼamaʼn Jesús qe

tuʼn qpakbʼan tiʼj Tyol Jehová.

Qoʼqe, qqʼamanx kye xjal

noq jaxku tumel ateʼ.

Ya in kawin Jesús

tojju tqʼuqbʼil tzmax toj kyaʼj.

In xi tqʼamaʼn kye xjal mans

tuʼn t-xi kynimen Tyol Dios.

In chʼiy kybʼet tmajen Dios,

nim tzalajbʼil in kubʼ qnaʼn tuʼn jlu.

Tbʼanelxix o tzaj qʼoʼn

qoklen tuʼn qpakbʼan twitz tkyaqil Txʼotxʼ.

In qo tzalaj, kxel qqʼoʼn

tbʼanel txokbʼil lu kye xjal:

«Qo jax tibʼaj matij witz

etzan tuʼn Qman Jehová».