1. Kukx bʼeta tukʼil Qman Jehová,

miʼn jaw tnimsan tibʼa twitz.

Bʼaʼn tuʼn ttena ttxlaj ex qeʼk tkʼuʼja tiʼj,

bʼinchama aju tzʼaqli.

Tuʼn miʼn tkyaj tkolina axix tok,

kukx schʼina tiʼj Xjan Uʼj.

Kxel qʼiʼna tuʼn Jehová toj tqʼabʼ

ex kxel yekʼin tbʼeya tuʼn.

2. Kukx bʼeta tukʼil Qman Jehová,

bʼaʼn tuʼn tten tanmiya saq.

Noq tiʼxku nya bʼaʼn in nok weʼya twitz,

kxel tqʼoʼn Dios tipumala.

Bʼaʼn tuʼn kukx t-ximana tiʼjju bʼaʼn

ex tiʼjju axix tok.

Qa kukx ma kubʼ tbʼinchaʼna jlu,

kʼokel kwentina tuʼn Dios.

3. Kukx bʼeta tukʼil Qman Jehová

ex kʼokela te tamiw.

Kukx tzalaja tiʼj tkʼiwlabʼil Qman Dios,

nimsanktza tbʼi tkyaqil qʼij.

Bʼaʼn tuʼn t-xi tbʼitzena tbʼanel bʼitz

ex tzalaja kywitz txqantl.

Qa kukx ma bʼeta tukʼil Dios,

ktzalajela te jumajx.