BʼITZ 58
Chin jyole kyiʼj qeju kyaj tuʼn kyten toj tzalajbʼil
-
1. «Kyxiʼye pakbʼal», chi Cristo kyaj tqʼamaʼn.
Toj qʼijel xiʼ pakbʼal kye xjal
ex kukx xi tyekʼin Tyol Dios kye.
Nimxix tkʼujlabʼil ten kyiʼj t-rit Jehová.
Kukx jyon kyiʼj qʼij ex qonikʼen
toj tkyaqil twitz Txʼotxʼ.
Kyoj qeju bʼe ex kyoj qe ja,
in xi nqʼamaʼne kye qe xjal
qa chʼix tel qʼiʼn tkyaqil nya bʼaʼn in tzaj qiʼj.
(QKYAQIL)
Chin jyole kyiʼj
xjal kyajbʼil tuʼn kyten toj tzalajbʼil.
Ax ikx tuʼn kyjyet
qe tbʼanel xjal kyaj tuʼn kykyaj anqʼin
ex tuʼn kyok te
tamiw Qman Dios.
-
2. Ya chʼix tbʼaj ambʼil ex tzul bʼajsbʼil qʼij.
Kukx chin pakbʼale kye kykyaqil
ex jaku che klet nimxix xjal.
Tuʼnju nimxix nkʼujlabʼile at kyiʼj,
chin xeʼle qʼuqbʼal kykʼuʼj qeju
in tzaj bʼajxix kykʼuʼj.
Kyoj kojbʼil ex kyoj qeju tnam,
ateʼ bʼaʼn xjal chin okel kybʼiʼn.
Kukx kʼokel tilil wuʼne tuʼn njyone kyiʼj.
(QKYAQIL)
Chin jyole kyiʼj
xjal kyajbʼil tuʼn kyten toj tzalajbʼil.
Ax ikx tuʼn kyjyet
qe tbʼanel xjal kyaj tuʼn kykyaj anqʼin
ex tuʼn kyok te
tamiw Qman Dios.
(Ax ikx jyonkuxa Is. 52:7; Mat. 28:19, 20; Luc. 8:1; Rom. 10:10).
