1. Nimxix tzalajbʼil in kubʼ qnaʼn

aj t-xi qxnaqʼtzaʼn Tyol Dios

ex aj tok qkeʼyin in nel kynikʼ

kykyaqil tiʼj axix tok.

Qkanoʼmil techel tiʼj Jesús

aj qonin kyiʼj xjal mans.

Qxnaqʼtzanx kye tukʼil nim kʼujlabʼil

tuʼn tel kynikʼ tiʼj Jehová.

2. Qa in xi qyekʼin Tyol Jehová,

qbʼinchanku aju bʼaʼn

ex qyekʼinx tspikʼumal kywitz txqantl

tuʼn tjaw nimsaʼn tbʼi xjan.

Qqʼonk tilil tuʼn qxnaqʼtzan tiʼj Tyol

tuʼn tel qnikʼ kyiʼj qe t-xim.

Qqʼamanx jun qʼinumabʼil kye txqantl

tuʼn tonin kyiʼj ex qiʼj.

3. Qa ma txi qqanin onbʼil te,

ok ktzajel tbʼiʼn qnaʼj Dios.

Tuʼn onbʼil ktzajel tqʼoʼn Jehová

kxel qyekʼin axix tok.

Kʼujlaʼnxix t-ximbʼetz quʼn qkyaqilx

ex in nok qeʼ qkʼuʼj tiʼj.

In xi qqʼoʼn xnaqʼtzbʼil kye xjal tiʼj Tyol

tuʼn qʼaqʼbʼil qkʼuʼj at kyiʼj.