1. In qoʼx ttzi kyja xjal tuʼn qpakbʼan

tiʼj Tuʼjil Tyol Jehová.

In xi qqʼoʼn xnaqʼtzbʼil kye qe t-ẍneʼl

kyoj kojbʼil ex qe tnam.

Ik tzeʼn o kyaj tqʼamaʼn Jesús,

in xi qqʼamaʼn kye xjal

qa ya in kawin Tkawbʼil Dios

toj tqʼuqbʼil tzmax toj kyaʼj.

2. In qoʼx ttzi kyja xjal tuʼn qpakbʼan

tiʼj tqanil kolbʼil kye.

Ateʼ xjal kʼajbʼel tbʼi Dios kyuʼn

ex ok che nimel te.

¿Alkye tten kʼokel kyqʼoʼn toklen

tbʼi Dios qa naʼmx tok kybʼiʼn?

Tuʼn jlu, nim toklen tuʼn qpakbʼan

tiʼj Tyol Dios kye kykyaqil.

3. In qoʼx ttzi kyja xjal tuʼn qpakbʼan

tiʼj Tkawbʼil Qman Jehová.

Ateʼqe junjun kʼokel kybʼiʼn

ex atzun junjuntl mlay.

Tuʼn jlu mlay tzaj tqʼamaʼn jun xjal

qa naʼmx tok tbʼiʼn ax tok.

Kukx qo pakbʼan kyoj ja ex tnam

tuʼn kyjyet qe t-ẍneʼl Qman Dios.