BʼITZ 95
Mas qʼanchaʼl spikʼun junjun qʼij
-
1. Kykyaqil tmajen Dios kyajtoq tuʼn tel kynikʼ tiʼj
alkyetoq tuʼn tok te Mesías.
Tzaj tyekʼin t-xew Dios alkye aju skʼoʼn maj
ex atoq kʼajbʼel tuʼntzun kyklet xjal.
Ma pon qʼij lu ex ya in kawin Jesús,
qʼanchaʼl tiʼj tkyaqilju in nikʼ.
In qo tzalaj tuʼnju ma tzʼel qnikʼ tiʼj jlu,
ax ikx kyaj anjel tuʼn tok kyojtzqiʼn.
(QKYAQIL)
Qʼanchaʼlxix qbʼe toj ambʼil jaʼlo,
in qo bʼet toj tspikʼun tqan Qʼij.
In tzaj tyekʼin Qman Dios alkye bʼe
tuʼn t-xi qiʼn tuʼn qbʼet junjun qʼij.
-
2. Kubʼ t-ximen Jesús tuʼn tjaw tskʼoʼn jun kʼloj xjal
at-xix tnabʼil ex in bʼant taqʼun,
tuʼn ttzaj tqʼoʼn qwa toj ambʼil at tajbʼen qe,
tuʼn tonin qiʼj tuʼn qbʼet toj spikʼun.
Mas in qoptzʼajxix axix tok junjun qʼij.
Qʼanchaʼlxix taʼ qbʼe aj qbʼet toj.
In qo tzalaj aj t-xi qqʼoʼn chjonte te Dios
tuʼnju tukʼil in tzaj axix tok.
(QKYAQIL)
Qʼanchaʼlxix qbʼe toj ambʼil jaʼlo,
in qo bʼet toj tspikʼun tqan Qʼij.
In tzaj tyekʼin Qman Dios alkye bʼe
tuʼn t-xi qiʼn tuʼn qbʼet junjun qʼij.
(Ax ikx jyonkuxa Rom. 8:22; 1 Cor. 2:10; 1 Ped. 1:12).
