Atxix toj enero te 2016, aju mankbʼil t-xaq uʼj Aju Xqʼuqil in netz kye xjal aju xnaqʼtzbʼil tok tbʼi: Junjun xjel in tzaj ttzaqʼweʼn Tyol Dios, o chʼexpaj aju alkye tten in tzaj yekʼun xnaqʼtzbʼil. Aju akʼaj tten lu ma kubʼ bʼinchaʼn tuʼn tonin qiʼj tuʼn t-xi tzyet tuʼn qyolin kyukʼil xjal. Chʼixme ikx bʼinchbʼen te ik tzeʼn qe tal uʼj: at jun xjel tuʼn ttzaj kytzaqʼweʼn xjal, jun tzaqʼwebʼil in tzaj tqʼoʼn Tyol Dios ex junjuntl onbʼil.

Chʼixme tkyaqil maj, aj qbʼaj yolin tukʼe jun xjal tiʼj jun xnaqʼtzbʼil tiʼj Tyol Dios, ateʼ junjun xjal bʼiʼx in xi tzyet tuʼn kyxnaqʼtzaʼn qukʼe. Bʼaʼn tuʼn tajbʼen xnaqʼtzbʼil lu tuʼna tuʼntzun kyxi onit xjal aʼyeju kyajbʼil tuʼn tel kynikʼ tiʼj Tyol Dios (Mt 5:6).

1. Qaninxa te xjal tuʼn ttzaj tqʼoʼn tzaqʼwebʼil kyiʼj junjun xjel.

2. Bʼinxa ex qʼonxa chjonte tuʼnju saj tqʼoʼn tzaqʼwebʼil.

3. Uʼjinktza taqikʼ Tyol Dios jatumel in tzaj tqʼamaʼn «¿Tiʼ in tzaj tqʼamaʼn Tyol Dios?» Ex qaninxa tiʼ t-xim tiʼj. Qa at ambʼil tiʼj xjal, jaku tzʼajbʼen junjuntl xnaqʼtzbʼil tkubʼ tjaqʼ epígrafe: «¿Tiʼ mastl in tzaj tqʼamaʼn Tyol Dios?».

4. Qʼonkja uʼj te xjal.

5. Qʼamanxa tuʼn tmeltzʼaja juntl maj tukʼe xjal tuʼn t-xi ttzaqʼweʼna juntl xjel.