19 a 25 te febrero
SALMOS 8 A 10
Bʼitz 2 ex naʼj Dios | Qe yol tuʼn t-xi tzyet (1 min.)
1. «Aya Nman, kjawil nnimsaʼne tuʼn tkyaqil wanmiye»
(10 min.)
Tbʼanel tmod Jehová qukʼil (Sl 8:3-6; w21.08 pág. 3 párr. 6).
In qo tzalaj tuʼn tjaw qnimsaʼn Jehová aj qyolin kyukʼil txqantl kyiʼj tbʼinchbʼen (Sl 9:1; w20.05 pág. 23 párr. 10).
Ax ikx in jaw qnimsaʼn Jehová aj qbʼitzin tukʼil tzalajbʼil ex tuʼn tkyaqil qanmi (Sl 9:2; w22.04 pág. 7 párr. 13).
XJELINKUYA JLU: «¿Toj alkye juntl tumel jaku jaw nnimsaʼne Jehová?».
2. Qe qʼinumabʼil ewin ateʼ
(10 min.)
-
Sl 8:3. ¿Tiʼ el tnikʼ David tiʼj tej t-ximen kyiʼj tbʼinchbʼen Dios? (w23.03 pág. 19 párr. 14).
-
¿Alkyeqe qʼinumabʼil ma che kanet tuʼna kyoj capítulo toj seman lu?
3. Kjawil uʼjit
(4 min.) Sl 10:1-18 (th xnaqʼtzbʼil 11).
4. Tuʼn t-xi tzyet tuʼn tyolina
(3 min.) TTZIYELE KYJA XJAL. In tzaj tqʼamaʼn xjal teya qa mintiʼ in nok qeʼ tkʼuʼj tiʼj qa at Dios (lmd xnaqʼtzbʼil 5 punto 4).
5. Bʼinchanxa qe revisita
(4 min.) TOJ ALKYEXKU LUGAR. Tej tyolina tnejel maj tukʼil xjal tzaj tqʼamaʼn teya qa mintiʼ in xi tnimen qa at Dios. Noqtzun tuʼnj, in xi tqʼoʼn ambʼil teya tuʼn t-xi tchikʼbʼaʼna te qa ax tok at jun Bʼinchal tkyaqil (th xnaqʼtzbʼil 7).
6. Chikʼbʼabʼil
(5 min.) w21.06 pág. 6 ex 7 párr. 15 a 18. Tbʼi xnaqʼtzbʼil: Tzʼonina tiʼj xjal in xnaqʼtzan tukʼila tuʼn tjaw tnimsaʼn Jehová (th xnaqʼtzbʼil 10).
Bʼitz 10
7. ¿Tiʼ jaku bʼant quʼn tuʼn miʼn qtzaj xobʼ aj qpakbʼaʼn kye xjal toj alkyexku lugar?
(10 min.) Xnaqʼtzankuya kyukʼil erman.
Ax ikx jaku jaw qnimsaʼn Jehová aj qpakbʼaʼn kye xjal in che kanet quʼn toj alkyexku lugar (Sl 35:28). Tnejel, bʼalo kwest jaku tzʼela toj qwitz tuʼnju jaku qo tzaj xobʼ. Pero qa ma tzʼel qnikʼ tiʼj tzeʼn tuʼn t-xi tzyet tuʼn qyolin kyukʼil xjal ex tuʼn miʼn qtzaj xobʼ, jaku qo tzalaj aj qpakbʼan kye toj alkyexku lugar.
Qʼonka VIDEO Bʼinchama ttena tuʼn t-xiʼya «pakbʼal tqanil bʼaʼn»: Bʼaʼn tuʼn t-xi yolina kye xjal. Yajxitl, qaninxa xjel lu:
¿Tzeʼn ma tzʼonin video lu tiʼja tuʼn tpakbʼana kye xjal toj alkyexku lugar?
Jaku che onin nabʼil lu tiʼja tuʼn t-xi tzyet tuʼn tyolina:
-
Aj tetz bʼeta, bʼaʼn tuʼn t-xi tjyoʼna tumel tzeʼn tuʼn t-xi tzyet tuʼn tyolina tukʼil alkyexku xjal. Qaninxa te Jehová tuʼn tonin tiʼja tuʼn tyolina kyukʼil xjal at jun tbʼanel kyanmi.
-
Bʼaʼn tuʼn tkubʼ tyekʼina tbʼanel tmoda kyukʼil xjal ex yekʼinxa kye qa in ximana kyiʼj. Ax ikx, qʼonka tilil tuʼn tel tnikʼa tiʼj alkye xnaqʼtzbʼil mas jaku tzʼok tbʼiʼn xjal.
-
Qa jaku bʼant, jaku txi tqʼoʼna teya tnúmero te xjal ex jaku txi tqanina te tuʼn ttzaj tqʼoʼn tnúmero teya.
-
Miʼn tzaj bʼaj tkʼuʼja qa ma kubʼaj tuʼn tyolina tukʼil xjal ex mintiʼ ma pakbʼana.
-
Otoqxi qo bʼaj yolin tukʼil xjal, kukx jaku qo ximen tiʼj. Tuʼn tbʼant jlu quʼn, jaku txi qsamaʼn jun enlace te tiʼj jun texto moqa tiʼj jun xnaqʼtzbʼil toj jw.org.
Bʼinchama jlu: Qa ma tzaj tqanin jun xjal teya tiʼ ma bʼant tuʼna tej xkubʼaj seman, jaku yolina tukʼil tiʼj jun tiʼ el tnikʼa tiʼj toj chmabʼil moqa tiʼj tzeʼn in xi tqʼoʼna xnaqʼtzbʼil tiʼj Biblia.
8. Aju il tiʼj tuʼn tbʼant toj congregación
(5 min.)
9. Xnaqʼtzbʼil tiʼj Tyol Dios te congregación
(30 min.) bt xnaqʼtzbʼil 6, párr. 1 a 8 ex introducción tiʼj sección 2.
