26 te febrero a 3 te marzo
SALMOS 11 A 15
Bʼitz 139 ex naʼj Dios | Qe yol tuʼn t-xi tzyet (1 min.)
1. Qo ximen tiʼj tbʼanel qanqʼibʼil ktel toj akʼaj twitz Txʼotxʼ
(10 min.)
Tuʼnju mintiʼ in nok kyqʼoʼn nim xjal kyoklen ley, at nim bʼiybʼel jaxku tumel (Sl 11:2, 3; w06 15/5 pág. 18 párr. 3).
Jaku tzʼok qeʼ qkʼuʼj tiʼj qa ya chʼix tpon ambʼil tuʼn tkubʼ tnajsaʼn Jehová nya bʼaʼn (Sl 11:5; wp16.4 pág. 11).
Qa ma qo ximen tiʼj ttziybʼil Jehová, mas nya kwest kʼelel toj qwitz tuʼn qayon tukʼil pasens tiʼj akʼaj twitz Txʼotxʼ (Sl 13:5, 6; w17.08 pág. 7 párr. 15).
BʼINCHAMA JLU: Uʼjinktza Ezequiel 34:25 ex ximana kyiʼj tbʼanel yol in tzaj tqʼamaʼn (kr pág. 236 párr. 16).
2. Qe qʼinumabʼil ewin ateʼ
(10 min.)
-
Sl 14:1. ¿Jakupe ten kyximbʼetz okslal ik tzeʼn in yolin versículo lu tiʼj? (w13 15/9 pág. 19 párr. 12).
-
¿Alkyeqe qʼinumabʼil ma che kanet tuʼna kyoj capítulo toj seman lu?
3. Kjawil uʼjit
(4 min.) Sl 13:1–14:7 (th xnaqʼtzbʼil 2).
4. Tuʼn t-xi tzyet tuʼn tyolina
(2 min.) TOJ ALKYEXKU LUGAR. Qʼonxa txokbʼil tiʼj xjal tuʼn tpon toj Conmemoración (lmd xnaqʼtzbʼil 5 punto 3).
5. Tuʼn t-xi tzyet tuʼn tyolina
(1 min.) TTZIYELE KYJA XJAL. Qʼonxa txokbʼil tiʼj xjal tuʼn tpon toj Conmemoración (lmd xnaqʼtzbʼil 3 punto 4).
6. Tuʼn t-xi tzyet tuʼn tyolina
(3 min.) TTZIYELE KYJA XJAL. In xi tkʼamoʼn jun xjal txokbʼil tiʼj Conmemoración ex in kubʼ tyekʼin qa taj tuʼn tok tbʼiʼn mas tqanil (lmd lección 7 punto 4).
7. Tzʼonina kyiʼj xjal tuʼn kyok te t-xnaqʼtzbʼen Jesús
(5 min.) lff xnaqʼtzbʼil 13, toj chʼin yol, aju ma qo yolin tiʼj ex «Bʼinchankuya jlu». Jaku tzʼajbʼen jun xnaqʼtzbʼil tuʼna toj sección «Ojtzqinka chʼintl» tuʼn tonina tiʼj xjal in xnaqʼtzan tukʼila tuʼn tel tnikʼ tiʼj t-ximbʼetz Dios at kyiʼj okslabʼil nya ax tok (th xnaqʼtzbʼil 12).
Bʼitz 8
8. «Mas bʼaʼn ju nabʼl kywitz qe ubʼl in che ajbʼen tuj qʼoj»
(10 min.) Xnaqʼtzankuya kyukʼil erman.
Mas nim nya bʼaʼn at twitz Txʼotxʼ. Ojtzqiʼn tuʼn Jehová qa jaku tzaj bʼaj qkʼuʼj tuʼn nya bʼaʼn in nok qkeʼyin ex in nok bʼinchaʼn qiʼj. Ax ikx, in nel tnikʼ tiʼj qa qaj tuʼn qok xqʼuqin. ¿Tzeʼn in qo ok t-xqʼuqin Jehová? Jun kyxol qe tiʼchaq in che ajbʼen tuʼn, aju Biblia (Sl 12:5-7).
«Mas bʼaʼn ju nabʼl [tkuʼx toj Biblia] kywitz qe ubʼl in che ajbʼen tuj qʼoj» (Ec 9:18). Qqʼonk qwitz tiʼj tzeʼn jaku che onin texto lu qiʼj tuʼn tok qxqʼuqin qibʼ tiʼj bʼiybʼil.
-
Ec 4:9, 10. Miʼn bʼeta tjunalxa ex miʼn txiʼya kyoj lugar jatumel jaku tzaj nya bʼaʼn tiʼja.
-
Pr 22:3. Qa ata kyxol nim xjal, qʼonka twitza tiʼjju in bʼaj ttxlaja.
-
Pr 26:17. Miʼn tzʼokx tqʼon tibʼa kyoj qʼoj mintiʼ toklena kyiʼj.
-
Pr 17:14. Qa in nok tkeʼyina qa jaku tzaj jun nya bʼaʼn toj lugar jatumel taʼya, mas bʼaʼn tuʼn tikʼ bʼeta. Ex miʼn txiʼya kyoj lugar jatumel in nok kychmon kyibʼ xjal tuʼn kymanifestarin.
-
Lu 12:15. Miʼn tzikʼ tnaʼl tuʼna qa mas nim toklen tchwinqlala kywitz tiʼchaq at teya.
Qʼonka VIDEO Qkanoʼmil techel kyaj kyqʼoʼn qeju ten qʼuqbʼil kykʼuʼj: Qkanoʼmil tiʼj Enoc ex nya tiʼj Lamec. Yajxitl, qaninxa xjel lu:
¿Tzeʼn onin techel kyaj tqʼoʼn Enoc tiʼj mambʼaj ma tzʼok qkeʼyin toj video? (Heb 11:5).
Atlo maj il tiʼj tuʼn tok t-xqʼuqin tibʼ jun erman tuʼn miʼn tok bʼinchaʼn jun nya bʼaʼn tiʼj moqa tuʼn tkolin kyiʼj tiʼchaq at te. Qa ma kubʼ t-ximen tuʼn tbʼant jlu tuʼn, nim toklen tuʼn tok t-xqʼuqin tibʼ tuʼn miʼn tkubʼ tbʼyoʼn jun xjal (Sl 51:14; qʼonka twitza tiʼj xnaqʼtzbʼil «Kyxjel qeju in che uʼjin» toj uʼj Aju Xqʼuqil te julio te 2017).
9. Toj sábado 2 te marzo kxel tzyet tuʼn t-xi sipet txokbʼil tiʼj Conmemoración
(5 min.) Chikʼbʼabʼil kʼeletz tqʼoʼn jun ansyan. Qʼamanxa tiʼ o bʼaj ximet tiʼj discurso especial, tiʼj Conmemoración ex alkye tten kxel sipet txokbʼil toj tkyaqil lugar te pakbʼabʼil. Bʼaʼn tuʼn t-xi tnaʼna kye erman qa jaku che ok te precursor auxiliar kyoj xjaw te marzo ex abril ex qa oʼkx il tiʼj tuʼn tbʼant 15 or kyuʼn.
10. Xnaqʼtzbʼil tiʼj Tyol Dios te congregación
(30 min.) bt xnaqʼtzbʼil 6, párr. 9 a 17.
