24 te febrero a 2 te marzo
PROVERBIOS 2
Bʼitz 35 ex naʼj Dios | Qe yol tuʼn t-xi tzyet (1 min.)
1. ¿Tiquʼn bʼaʼn tuʼn qxnaqʼtzan tuʼn tkyaqil qkʼuʼj?
(10 min.)
Iktzun tten in kubʼ qyekʼin qa in nok qqʼoʼn toklen axix tok (Pr 2:3, 4; w22.08 pág. 18 párr. 16).
In nonin qiʼj tuʼn tkubʼ qbʼinchan aju mas bʼaʼn (Pr 2:5-7; w22.10 pág. 19 párr. 3 ex 4).
In nonin qiʼj tuʼn tchʼiy qʼuqbʼil qkʼuʼj (Pr 2:11, 12; w16.09 pág. 20 ex 21 párr. 2 ex 3).
XJELINKUYA JLU: ¿Tiʼ jaku bʼant wuʼne tuʼn nxnaqʼtzane tkyaqil seman ex tuʼn tok te mas tbʼanel?
2. Qe qʼinumabʼil ewin ateʼ
(10 min.)
-
Pr 2:4, 5. ¿Tiquʼn il tiʼj tuʼn tok tqʼoʼna kyoklen xnaqʼtzbʼil tkuʼx toj Tyol Dios? (lff xnaqʼtzbʼil 12, punto 2).
-
¿Alkyeqe qʼinumabʼil ma che kanet tuʼna toj capítulo te seman lu?
3. Kjawil uʼjit
(4 min.) Pr 2:1-22 (th xnaqʼtzbʼil 12).
4. Tuʼn t-xi tzyet tuʼn tyolina
(4 min.) TTZIYELE KYJA XJAL. Yekʼinxa te xjal tzeʼn jaku tzʼokx toj jw.org ex tzeʼn jaku kanet tqanil tuʼn tiʼj mejebʼlen (lmd xnaqʼtzbʼil 1, punto 3).
5. Bʼinchanxa qe revisita
(3 min.) TOJ ALKYEXKU LUGAR. Tej tyolina jun maj tukʼil xjal bʼaʼn ela jun xnaqʼtzbʼil toj twitz. Qʼonxa jun revista te aju in yolin tiʼj xnaqʼtzbʼil o che yoline tiʼj (lmd xnaqʼtzbʼil 9, punto 3).
6. Chikʼbʼabʼil
(5 min.) lmd apéndice A, punto 8. Tbʼi chikʼbʼabʼil: Mintiʼ tuʼn t-xi tjyoʼn chmilbʼaj moqa xuʼjilbʼaj juntl tukʼil (th xnaqʼtzbʼil 13).
Bʼitz 96
7. ¿Tajpe teya tuʼn tkanet jun qʼinumabʼil tuʼna?
(15 min.) Xnaqʼtzankuya kyukʼil erman.
Aya kuʼxun, ¿tzeʼn toj twitza qa ma t-xiʼya jyol jun qʼinumabʼil ewin taʼ? ¿Taja tuʼn tkanet tuʼna? Qa ikju, in txokin Biblia tiʼja tuʼn tkanet jun qʼinumabʼil aju mas nim toklen twitz alkyexku juntl qʼinumabʼil, aju ojtzqibʼil in tzaj tqʼon Dios (Pr 2:4, 5). Jaku kanet tuʼna qa kukx ma jaw tuʼjina Biblia ex qa ma tzʼok tilil tuʼna tuʼn t-xi tjyoʼna mas tqanil kyiʼj txʼolbʼabʼil. Ex qa ma bʼant jlu tuʼna kʼelel tnikʼa tiʼj nim xnaqʼtzbʼil ex kʼonil tiʼja.
-
¿Alkyeqe xjel bʼaʼn tuʼn t-ximana kyiʼj aj tjaw tuʼjina Biblia? (w24.02 pág. 32 párr. 2 ex 3).
-
¿Alkyeqe onbʼil jaku che ajbʼen tuʼna tuʼn kykanet tzaqʼwebʼil tiʼj t-xjela?
Aqeju video in che etz toj «Tzʼoka ik tzeʼn qe tamiw Jehová» jaku che onin tiʼja tuʼn t-ximana tiʼjju in jaw tuʼjina toj Biblia.
Qʼonka VIDEO Tzʼoka ik tzeʼn qe tamiw Jehová: Abel
Uʼjinktza Génesis 4:2-4 ex Hebreos 11:4. Yajxitl, qaninxa qe xjel lu:
-
¿Tiʼ bʼant tuʼn Abel tuʼn tkubʼ tyekʼin qa ok te tamiw Jehová?
-
¿Tiʼ bʼant tuʼn Abel tuʼn tok qeʼ mas tkʼuʼj tiʼj Jehová?
-
¿Tiʼ jaku bʼant tuʼna tuʼn tok qeʼ mas tkʼuʼja tiʼj Jehová?
8. Xnaqʼtzbʼil tiʼj Tyol Dios te congregación
(30 min.) bt xnaqʼtzbʼil 23, párr. 1 a 8 ex introducción tiʼj sección 8.
