Toj abʼqʼi lu kxel tzyet tuʼn t-xi sipet txokbʼil toj 27 te febrero, kʼokel tilil quʼn tuʼn t-xi qqʼoʼn txokbʼil kye jteʼxku xjal in che anqʼin qtxlaj tuʼntzun kypon junx qukʼil toj Nabʼitz Tkyimlen Jesucristo. Kʼokel qqʼoʼn qwiʼ kyiʼj xjal aʼyeju in kubʼ kyyekʼun qa kygan tuʼntzun t-xi qqʼoʼn onbʼil kye.

BʼINCHANKUYE YEKʼBʼIL

«Qajbʼile tuʼn t-xi qqʼoʼne jun txokbʼil teya aju nimxix toklen. Toj 23 te marzo twitz tkyaqil Txʼotxʼ nim millón xjal kʼokel kychmon kyibʼ tuʼn tkubʼ kynaʼn aju tkyimlen Jesús ex tuʼn tok kybʼiʼn jun chikʼbʼabʼil noq kukx aju kyolil tiʼj tzeʼn tten in nonin tkyimlen Jesús qiʼj. Aju txokbʼil lu in tzaj tyekʼun jatumel kʼokel ex alkye or. Qo tzalajele qa ma pone qukʼile».

Qa at jun xjal taj tuʼn tel mas tnikʼ:

• JAKU KYAJ TQʼOʼNA UʼJ AJU XQʼUQIL

  Qʼonka tilil tuʼn tmeltzʼaja tukʼil xjal.

• YEKʼUNXA VIDEO TIʼJ NABʼITZ TKYIMLEN JESUCRISTO

  Qʼonka tilil tuʼn tmeltzʼaja tukʼil xjal.

Aj tmeltzʼaja juntl maj:

• YEKʼUNXA VIDEO ¿TIQUʼN BʼAʼN TUʼN T-XNAQʼTZANA TIʼJ TYOL DIOS?

  Yajxitl qʼamanxa te xjal tuʼn tkyaj tqʼoʼna jun uʼj kyxol qeju in che ajbʼen tuʼn t-xi qʼet xnaqʼtzbʼil tiʼj Tyol Dios.

• JAKU KYAJ TQʼOʼNA UʼJ ¿TIʼ IN TZAJ T-XNAQʼTZAʼNXIX TYOL DIOS?

  Bʼaʼn tuʼn tajbʼen xnaqʼtzbʼil tuʼna toj t-xaq 206 a 208 tuʼn t-xi tchikʼbʼana junjun xnaqʼtzbʼil tiʼj Nabʼitz Tkyimlen Jesucristo. Yajxitl jaku kyaj tqʼoʼna uʼj.

• JAKU KYAJ TQʼOʼNA UʼJ BʼINXA QMAN DIOS

  Bʼaʼn tuʼn tajbʼen xnaqʼtzbʼil tuʼna toj t-xaq 18 ex 19 tuʼn t-xi tyekʼuna tiʼ t-xilen aju tkyimlen Jesús. Yajxitl jaku kyaj tqʼoʼna uʼj.y