Tej chʼinxtoq tok Xjan Qʼij te abʼqʼi 32, bʼant jun milagr tuʼn Jesús, aju oʼkxku jun tkuʼx kyoj qeju kyaje uʼj in che yolin tiʼj tanqʼibʼil Jesús.

Tukʼil milagr lu, kyaj tqʼoʼn Jesús jun techel aju kukx in najbʼen toj ambʼil jaʼlo.

14:16-21

• Xi tqʼamaʼn Jesús kye t-xnaqʼtzbʼen tuʼn t-xi kyqʼoʼn kywa nim xjal, maske oʼkx attoq jweʼ pan ex kabʼe pescad.

• Tzaj tiʼn Jesús qe pan ex qe pescad ex tej otoqxi bʼaj naʼn Dios, xi tqʼoʼn kye t-xnaqʼtzbʼen. Ex xi kysipen t-xnaqʼtzbʼen kye nimxix xjal.

• Jun milagr bʼant tuʼn Jesús tej tten nim kywa xjal. E waʼn nim mil xjal tuʼn Jesús noq kyuʼn junjun t-xnaqʼtzbʼen.

• Tqʼama Jesús qa kyoj bʼajsbʼil qʼij, kjawil tjyoʼn jun tumel «tuʼn t-xi qʼot kywa ok tpon or» (Mt 24:45).

• Toj abʼqʼi 1919 jaw tskʼoʼn Jesús aju «majen in bʼant taqʼun [...] ex at tnabʼl», jun kʼloj okslal skʼoʼn maj, ex ok tqʼoʼn kyoklen kyibʼaj qeju «ateʼ tuj tja», toj juntl yol, aʼyeju xjal in xi kykʼamoʼn xnaqʼtzbʼil.

• Noq tuʼn tal chʼin kybʼet okslal skʼoʼn maj, kukx in najbʼen aju techel kyaj tqʼoʼn Jesús toj tnejel syent abʼqʼi.

¿Tzeʼn jaku kubʼ nyekʼine qa in xi nkʼamoʼne ex in nok nqʼoʼne toklen aju tumel in najbʼen tuʼn Jesús tuʼn ttzaj tqʼoʼn xnaqʼtzbʼil te ttnam?