Ajbʼen techel tiʼj triw ex tiʼj nya bʼaʼn kʼul tuʼn Jesús tuʼn ttzaj tchikʼbʼaʼn tzeʼn ex jtoj tuʼn kyjaw skʼet ex tuʼn kyok chmet okslal skʼoʼn maj, toj juntl yol, aju triw.

13:24

«Jun xjal kuʼx tawaʼn tbʼanil iyaj tuj tkojbʼil».

• Aju xjal kuʼx awante iyaj: Jesucristo

• Kux awet tbʼanel iyaj: E jaw skʼoʼn qe t-xnaqʼtzbʼen Jesús tuʼn xewbʼaj xjan

• Aju kojbʼil: Kykyaqilx xjal ateʼ twitz Txʼotxʼ

13:25

«Te qonikʼan in che tantoq xjal, ul jun xjal at tqʼoj tiʼj, kuʼx tawaʼn tiyjil chʼim kʼul».

• Aju aj qʼoj: Aju Tajaw il

• In che jtantoq xinaq: Otoq che kyim apóstol

13:30

«E tten, junx e ttzaj chʼiy tukʼil triw, maxi kjawil bʼaqet ok tjaw triw».

• Aju triw: Aʼyeju okslal skʼoʼn maj

• Aju nya bʼaʼn kʼul: Qe nya ax tok okslal

«Nej kychmoʼnktze chʼim kʼul, [...] atzunte triw kychmoʼnktze tuʼn tokx tuj ntxʼutxʼe».

• Aʼyeju majen moqa chmol twitz awal: Aʼyeju anjel

• Ok chmet nya bʼaʼn kʼul: I el paʼn qe nya ax tok okslal kyiʼj okslal skʼoʼn maj

• Jaw chmet triw tuʼn tokx toj kʼubʼil twitz awal: E ok chmoʼn qe okslal skʼoʼn maj toj kʼloj okslal otoq bʼaj saqet

¿Tzeʼn el nikʼbʼaj kyiʼj axix tok okslal kyiʼj nya ax tok okslal tej tpon ambʼil tuʼn kyjaw skʼoʼn?

¿Tzeʼn in nonin wiʼje aj tel nnikʼe tiʼj techel lu?