Ajbʼen qe techel tuʼn Jesús tuʼn ttzaj tyekʼin qa jun matij il qa ma txi qqʼoʼn ambʼil tuʼn qkubʼ tzʼaq tuʼn jun tiʼ ex qa tuʼn qok te jun tolsabʼil kye txqantl.

18:6, 7

• Aju txol yol «tolsabʼl tkubʼ kywitz», atz in yolin tiʼj jun tiʼ in bʼant quʼn moqa tiʼj jun ambʼil aju in xi qʼinte xjal tuʼn tkubʼ tbʼinchaʼn jun nya bʼaʼn, tuʼn tkubʼ tzʼaq moqa tuʼn tok te jun tolsabʼil ex tuʼn tkubʼ tzʼaq toj il.

• Mas bʼaʼn tuʼn tok kʼalet jun abʼj te kyaʼ, moqa kaʼ maʼxix tiʼj tqul ex tuʼn tkux xoʼt max t-xeʼpun mar twitzju tuʼn tok te tolsabʼil te jun xjal.

18:8, 9

• Tqʼama Jesús kye t-xnaqʼtzbʼen tuʼn tel kyiʼn jun tiʼ nim toklen tiʼj kyxmilal ik tzeʼn jun kyqʼobʼ moqa jun tbʼaqʼ kywitz qa in nok jlu te jun tolsabʼil kye.

• Mas bʼaʼn qa ma txi qnajsaʼn jun tiʼ tiʼj qxmilal, aju nim toklen, ex tuʼn qokx tjaqʼ Tkawbʼil Dios toj kyaʼj, twitzju tuʼn miʼn tel qiʼn ex tuʼn qkyim te jumajx noq tuʼn tpaj.

¿Tiʼ jaku tzʼok te jun abʼj te tolsabʼil te weʼye, ex tzeʼn tuʼn miʼn njaw tzʼaqe moqa tuʼn miʼn kyjaw tzʼaq txqantl wuʼne?