¿ALKYE TTEN TUʼN KYANQʼIN OKSLAL?
Kukx qo lepeʼk tiʼj Jesús
Qkyaqilx il tiʼj tuʼn qok lepeʼ tiʼj techel kyaj tqʼoʼn Jesús, mas aj qok weʼ twitz joybʼil ex ikʼbʼil (1Pe 2:21-23). Mintiʼ xi ttzaqʼweʼn Jesús yol tzaj qʼamaʼn tiʼj, nix tej tikʼ toj yajbʼil (Mr 15:29-32). ¿Tiʼ onin tiʼj tuʼn tikʼx tuʼn? Kubʼ t-ximen tuʼn tbʼant tajbʼil Jehová tuʼn (Jn 6:38). Ax ikx, ok tqʼoʼn twiʼ tiʼj «tzalajbʼil otoq tzaj yekʼun te» (Heb 12:2).
¿Tzeʼn qmod in kubʼ qyekʼin aj tok bʼinchaʼn nya bʼaʼn qiʼj tuʼn tlaj qokslabʼil? Aqeju axix tok okslal mintiʼ in naj kyqʼoʼn t-xel nya bʼaʼn tiʼj alkyexku (Ro 12:14, 17). Aj tel qkanoʼn tiʼj alkye tten ikʼx yajbʼil tuʼn Jesús, in qo tzalaj tuʼnju qo ul kʼiwlaʼn tuʼn Dios (Mt 5:10-12; 1Pe 4:12-14).
OTOQXI TZʼOK TKEʼYINA VIDEO MINTIʼ JUNTL TIʼ MAS NIM TOKLEN IK TZEʼN TBʼI JEHOVÁ, TZAQʼWENTZA QE XJEL LU:
-
¿Tiʼ bʼant tuʼn ermana Poetzinger tuʼn tajbʼen ambʼil toj tumelxix tuʼn tej tten najchaq toj jun kwart te cárcel?
-
¿Alkye tiʼchaq e ikʼx tuʼn ermano ex ermana Poetzinger toj campos de concentración jatumel e ten?
-
¿Tiʼ onin kyiʼj tuʼn tikʼx kyuʼn?