AʼYEJU QʼINUMABʼIL TOJ TYOL DIOS | JOB 1 A 5
Kukx ajbʼen Job te Jehová tej ttzaj joybʼil tiʼj Job
Anqʼin Job toj tnam Uz tej ateʼtoq aj Israel te majen toj tnam Egipto. Maske nya jun aj Israel te Job, noqtzun tuʼnj, in kʼuluntoq te Jehová. Nimtoq kybʼet toj tja ex attoq nim tqʼinumabʼil. Ex ojtzqiʼnxixtoq kyuʼn xjal jatumel in nanqʼin tuʼnju attoq nim tnabʼil ex tzʼaqlixix. Ax ikx, in xi tqʼoʼntoq aju at tajbʼen kye xjal, ik tzeʼn qe mebʼa, moqa prow, ex kye qeju mintiʼtoq at kye. Kukx ten Job tzʼaqlixix.
Kubʼ tyekʼun Job qa a Jehová mas nimtoq toklen toj tanqʼibʼil
-
Ok tqʼoʼn twitz Satanás tiʼj Job qa tzʼaqli ex qa kukx in najbʼen te Dios. Mintiʼ kubʼ tewin qa in nimen Job te Dios, noq oʼkx, kubʼ t-xjelin tiquʼn in nimen Job te Dios.
-
Xi tqʼamaʼn Satanás qa nyatoq tuʼn kʼujlabʼil in najbʼen Job te Dios.
-
Tuʼn t-xi tzaqʼweʼn jlu, xi tqʼoʼn Jehová ambʼil te Satanás tuʼn tok tbʼinchaʼn nya bʼaʼn tiʼj Job, tuʼntzunju, kubʼ t-xiten Satanás nimku tiʼchaq toj tanqʼibʼil Job.
-
Tuʼnju kukx ajbʼen Job te Jehová, ok ten Satanás yolil nya bʼaʼn tiʼj tiquʼn kukx in che ajbʼen xjal te Dios.
-
Mintiʼ yolin Job nya bʼaʼn yol tiʼj Dios ex mintiʼ ok tqʼoʼn tpaj tiʼjju nya bʼaʼn tzaj tiʼj.
