AʼYEJU QʼINUMABʼIL TOJ TYOL DIOS | JOB 6 A 10
Xi tqʼamaʼn Job aju kʼixkʼoj tzaj tiʼj
Maske otoq kyaj Job toj mebʼayil, toj nim bʼis ex toj nim yabʼil, kukx ajbʼen te Dios. Tuʼntzunju, tajtoq Satanás tuʼn tkubʼ t-xiten tkyaqilju tajbʼebʼil Job, ok ten bʼinchal mas nya bʼaʼn tiʼj, tuʼn ttzaj bʼaj mas tkʼuʼj. E pon oxe xjal aʼyeju in noktoq kyqʼoʼn kyibʼ te tamiw Job, ex kubʼ kyyekʼun qa in che bʼisun tiʼj, noqtzun tuʼnj, siete qʼij e kubʼ qeʼ tukʼe Job ex mintiʼ e qʼajt, mintiʼx jun qʼuqbʼil tkʼuʼj xi kyqʼoʼn. Ex xi kyqʼamaʼn junjun yol te aju kyuwxix.
Kukx ajbʼen Job te Jehová maske tzaj nimxix joybʼil tiʼj
-
Ten junjun t-ximbʼetz Job nyaxix toj tumel tuʼnju tzaj nim kʼixkʼoj tiʼj. Jun techel, kubʼ t-ximen qa ax in nela toj twitz Dios qa ma nimen te moqa miʼn.
-
Tej attoq toj kʼixkʼoj mintiʼ kubʼ t-ximen qa aju nya bʼaʼn tzaj tiʼj otoq tzaj tuʼn junjuntl tiʼ.
-
Maske attoq Job toj kʼixkʼoj, xi tqʼamaʼn kye qeju e yolin nya bʼaʼn tiʼj, qa kʼujlaʼnxix Jehová tuʼn.
