1 a 7 te abril
SALMOS 23 A 25
Bʼitz 4 ex naʼj Dios | Qe yol tuʼn t-xi tzyet (1 min.)
1. «Ate Qman pastoril weye»
(10 min.)
In tzaj tyekʼin Jehová qbʼe ex in kolin qiʼj (Sl 23:1-4; w22.01 pág. 3 ex 4 párr. 5 ex 6).
In tzaj tqʼoʼn Jehová xnaqʼtzbʼil qe (Sl 23:5; w11 1/5 pág. 31 párr. 5).
In nok t-xqʼuqin jun tbʼanel pastor qe t-ẍneʼl, ax ikx te Jehová in nok t-xqʼuqin qe tmajen.
XJELINKUYA JLU: «¿Tzeʼn in chin ok t-xqʼuqine Jehová?».
2. Qe qʼinumabʼil ewin ateʼ
(10 min.)
Sl 23:3. ¿Tiʼ aju «bʼe jiqun tiʼj» ex tiʼ kʼonil qiʼj tuʼn kukx qten toj? (w11 15/2 pág. 24 párr. 1 a 3).
¿Alkyeqe qʼinumabʼil ma che kanet tuʼna kyoj capítulo toj seman lu?
3. Kjawil uʼjit
(4 min.) Sl 23:1–24:10 (th xnaqʼtzbʼil 5).
4. Tuʼn t-xi tzyet tuʼn tyolina
(3 min.) TOJ ALKYEXKU LUGAR. Jaku txi tyekʼina jun texto te jun xjal in ximen tiʼjju in bʼaj tiʼj Txʼotxʼ (lmd xnaqʼtzbʼil 2 punto 5).
5. Bʼinchanxa qe revisita
(4 min.) TTZIYELE KYJA XJAL. Yekʼinxa te jun xjal kyaj tiʼn folleto Tzalaja tiʼj tanqʼibʼila tzeʼn in xi qqʼoʼn xnaqʼtzbʼil tiʼj Tyol Dios (lmd xnaqʼtzbʼil 9 punto 3).
6. Tzʼonina kyiʼj xjal tuʼn kyok te t-xnaqʼtzbʼen Jesús
(5 min.) lff xnaqʼtzbʼil 14 punto 4 (lmd xnaqʼtzbʼil 11 punto 3).
Bʼitz 54
7. Miʼn tzʼok qbʼiʼn tqʼajqʼajel twiʼ junxitl xjal
(15 min.) Xnaqʼtzankuya kyukʼil erman.
In che ok lepeʼ ẍneʼl tiʼj kypastor aj tok kybʼiʼn tqʼajqʼajel twiʼ. Pero mintiʼ in che ok lepeʼ tiʼj jun xjal mintiʼ ojtzqiʼn tqʼajqʼajel twiʼ kyuʼn (Jn 10:5). Atzun qe in xi qbʼiʼn tqʼajqʼajel twiʼ Jehová ex Jesús. Kʼujlaʼn qoʼ kyuʼn Pastor lu ex jaku tzʼok qeʼ qkʼuʼj kyiʼj (Sl 23:1; Jn 10:11). Tuʼntzunju, mintiʼ in xi qbʼiʼn tqʼajqʼajel kywiʼ txqantl xjal kyaj tuʼn qchewix toj qokslabʼil aj ttzaj kyqʼamaʼn xnaqʼtzbʼil nya ax tok qe (2Pe 2:1, 3).
Toj capítulo 3 te Génesis, in tzaj qʼamaʼn tiʼ bʼaj tej tok bʼiʼn tnejel maj jun qʼajqʼajel wibʼaj tzalu twitz Txʼotxʼ. Bʼaj jlu tej tajbʼen jun lobʼaj tuʼn Satanás tuʼn tyolin tukʼil Eva tuʼntzun miʼn tel tnikʼ tiʼj alqukʼil in yolin. Ok tqʼon tibʼ Satanás ik tzeʼn tamiw Eva ex tqʼama nya ax tok yol tiʼj Jehová ex tiʼj tiquʼn in che bʼant qe tiʼchaq tuʼn. Bʼisbʼajilxix tuʼnju xi tbʼiʼn Eva tyol. Tuʼn jlu, tzaj nim nya bʼaʼn tiʼj Eva ex kyiʼj toj tja.
Toj ambʼil jaʼlo, in nok tilil tuʼn Satanás tuʼn tjawje qkʼuʼj tiʼj Jehová ex tiʼj ttnam. In bʼant jlu tuʼn aj ttzaj kyqʼamaʼn xjal nya bʼaʼn tqanil, mintiʼ in tzaj kyqʼamaʼn tkyaqil axix tok moqa in che nikʼan yol. Tuʼntzunju, ¡bʼaʼn tuʼn qel oq qa ma tzaj kyqʼamaʼn xjal qe tqanil lu qe! Jaku tzaj nya bʼaʼn qiʼj maske toj chʼin ambʼil che okel qbʼiʼn. Qnaʼntz, mintiʼ ajbʼen nim yol tuʼn Satanás tuʼn tsbʼuʼn tiʼj Eva (Gé 3:1, 4, 5). Pero, ¿tiʼ jaku bʼant quʼn qa ma tzaj qʼamaʼn nya ax tok tqanil qe tiʼj ttnam Jehová tuʼn jun xjal ojtzqiʼn quʼn, kʼujlaʼn qoʼ tuʼn moqa taj tuʼn tonin qiʼj?
Qʼonka VIDEO Miʼn tzʼok tbʼiʼna «tqʼajqʼajel twiʼ junxitl xjal». Yajxitl, qaninxa xjel lu:
¿Tiʼ xnaqʼtzbʼil jaku tzʼel qiʼn tiʼjju bʼant tuʼn Coral tej t-xi tyekʼin ttxuʼ nya ax tok tqanil te tiʼj ttnam Jehová?
8. Xnaqʼtzbʼil tiʼj Tyol Dios te congregación
(30 min.) bt xnaqʼtzbʼil 8, párr. 1 a 4 ex recuadro toj pág. 61 ex 62.
