¿TIQUʼN NIM TOKLEN? Aʼyeju chmabʼil in tzaj tqʼoʼn ambʼil qe tuʼn qbʼitzin te Jehová ex tuʼn tjaw qnimsaʼn tkyaqil seman (Sl 149:1). Ax ikx in nel qnikʼ tiʼj alkye tten tuʼn tbʼant tajbʼil quʼn (Sl 143:10). Aj kyxiʼ qeju xjal kyaj tuʼn tel kynikʼ tiʼj Tyol Dios kyoj chmabʼil ex qeju in che xnaqʼtzan qukʼil tiʼj Tyol Dios jun rat in che chʼiy toj kyokslabʼil.

¿ALKYE TTEN JAKU BʼANT?

• Jaku txi tqʼoʼn naja txokbʼil te xjal. Maske mintiʼ in xnaqʼtzaʼn tukʼila tiʼj Tyol Dios (Apoc 22:17).

• Chikʼbʼanxa tzeʼn qe qchmabʼil kye qeju kyajbʼil tuʼn tel kynikʼ tiʼj Tyol Dios ex qʼamanxa alqibʼaj kyolil xnaqʼtzbʼil toj juntl seman. Te jun onbʼil, jaku tzʼajbʼen video tuʼna ¿Tiʼ in bʼaj toj jun Ja te Chmabʼil? Aj t-xi tqʼoʼna txokbʼil, ex jaku tzʼajbʼen xnaqʼtzbʼil 5 ex 7 te uʼj Tajbʼil Jehová.

• Qʼamanxa qa taja tuʼn tonina tiʼj. Jun techel, bʼalo taj xjal onbʼil tzeʼn jaku pon moqa taj onbʼil tuʼn tbʼaj jyet t-xbʼalun. Jaku kubʼ qeya ttxlaj toj chmabʼil ex jaku txi tyekʼina uʼj te. Jaku txi tyekʼina kye qe erman toj Ja te chmabʼil.