Toj tumel tuʼn tkubʼ qnaʼn bʼis junjun maj. Ex nya a t-xilen jlu qa mintiʼ jun tbʼanel qamiwbʼil tukʼil Jehová. Axpe ikx te Jehová in kubʼ tnaʼn bʼis junjun maj (Gé 6:5, 6). Pero, ¿tiʼ jaku bʼant quʼn qa in kubʼ qnaʼn nimxix bʼis ex toj nim ambʼil?

Qqaninx onbʼil te Jehová. In ximen Jehová qiʼj ex ojtzqiʼn tuʼn toj alkye ambʼil in kubʼ qnaʼn bʼis ex toj alkye ambʼil in qo tzalaj. Nya oʼkxju, ax ikx ojtzqiʼn tuʼn tiquʼn in qo ximen kyiʼj junjun tiʼchaq ex tiquʼn in tzaj qbʼis kyuʼn moqa in qo tzalaj kyuʼn (Sl 7:9b). Ex tuʼnju in ximen qiʼj, jaku tzʼonin qiʼj aj ttzaj qbʼis moqa aj ttzaj bʼaj qkʼuʼj (Sl 34:18).

Qxqʼuqink qximbʼetz. Nya oʼkx in tzaj qbʼis aj ttzaj bʼaj qkʼuʼj, sino ax ikx jaku tzaj nya bʼaʼn tiʼj qamiwbʼil tukʼil Jehová. Tuʼntzunju, nim toklen tuʼn tok qxqʼuqin qanmi, toj juntl yol, qe qximbʼetz ex aju in kubʼ qnaʼn (Pr 4:23).

OTOQXI TZʼOK TKEʼYINA VIDEO IN CHE TZALAJ ERMAN MASKE AT DEPRESIÓN KYIʼJ, TZAQʼWENXA QE XJEL LU:

• ¿Alkye junjun tiʼchaq bʼant tuʼn Nikki tej ttzaj depresión tiʼj?

  Tzaqʼwebʼil

• ¿Tzeʼn el tnikʼ Nikki tiʼj qa iltoq tiʼj tuʼn t-xiʼ tukʼil doctor? (Mt 9:12).

  Tzaqʼwebʼil

• ¿Tiʼ bʼant tuʼn Nikki tuʼn tok qeʼ tkʼuʼj tiʼj Jehová?

  Tzaqʼwebʼil