¿ALKYE TTEN TUʼN KYANQʼIN OKSLAL?

Tzʼonina kyiʼj xjal mintiʼ jun kyokslabʼil tuʼn tok kyojtzqiʼn Bʼinchal qe

TUʼN TOK QBʼIʼN TOJ

¿Ope kubʼ t-ximana jun maj tuʼn miʼn tpakbʼana te jun xjal mintiʼ jun tokslabʼil tuʼnju kubʼ t-ximana qa mlay tzʼok bʼiʼna tuʼn? Qa ikju, bʼaʼn tuʼn ttzaj tnaʼna qa ateʼ junjun erman mintiʼtoq jun kyokslabʼil moqa mintiʼtoq in xi kynimen qa at Dios tej naʼmxtoq kyok te testigo de Jehová. Noqtzun tuʼnj, oʼkxtoq kyaj chʼin onbʼil tuʼn tel kynikʼ tiʼj qa at Dios (Ro 1:20; 10:14).

OTOQXI TZʼOK TKEʼYINA VIDEO AQEJU XJAL MINTIʼ QʼUQBʼIL KYKʼUʼJ, JAKU TEN QʼUQBʼIL KYKʼUʼJ: QE XJAL NYA OKSLAL, TZAQʼWENXA XJEL LU:

Aj t-ximana tiʼjju bʼaj tiʼj Tommaso, ¿tzeʼn in nonin tiʼja tuʼn tpakbʼana kye xjal mintiʼ jun kyokslabʼil?

Tzaqʼwebʼil

Tzeʼn jaku bʼant tuʼna

Qa ma kanet jun xjal tuʼna mintiʼ in xi tnimen qa at Dios, bʼaʼn tuʼn tkubʼ tyekʼina tbʼanel tmoda tukʼil, tuʼn t-xi yolina toj tumel te ex tuʼn tok tqʼoʼn twiʼya tiʼjju in kubʼ t-ximen ex in kubʼ tnaʼn (2Ti 2:24). Ax ikx, jaku yolina tukʼil kyiʼj xnaqʼtzbʼil taj tuʼn tok tbʼiʼn. ¿In kubʼpe tyekʼin xjal qa taj tuʼn t-xnaqʼtzan kyiʼj yekʼbʼil o tzʼonin kyiʼj txqantl tuʼn tok qeʼ kykʼuʼj tiʼj qa at jun Bʼinchal qe? Qa ikju, bʼaʼn tuʼn kyajbʼen qe uʼj ex qe video tuʼna aʼyeju o che kubʼ bʼinchaʼn tuʼn kyonin kyiʼj. Ex ya o che kubʼ qʼoʼn kabʼe folleto lu toj kit de enseñanza: ¿Es la vida obra de un Creador? ex El origen de la vida. Cinco cuestiones dignas de análisis.

Bʼalo jaku tzaj xobʼa aj tkubʼ t-ximana tuʼn tpakbʼana te jun xjal mintiʼ in xi tnimen qa at Dios. Qa ikju, jaku txi tqanina te jun pakbʼal at tojtzqibʼil tuʼn tonin tiʼja. Ex miʼn tzikʼ tnaʼl tuʼna qa jaku tzʼonin Jehová tiʼja tuʼn tpon xnaqʼtzbʼil toj kyanmi xjal at jun tbʼanel kymod, axpe ikx qa in kubʼ kyximen qa mintiʼ Dios at (Hch 13:48, TNM).

UʼJ TE AQʼUNTL TOJ CHMABʼIL