¿ALKYE TTEN TUʼN KYANQʼIN OKSLAL?
In che aqʼunan ansyan tuʼn kyxqʼuqin tiʼj ttnam Jehová
Chʼixme kykyaqil xjal in tzaj kyqʼoj kyiʼj qeju at jun kyoklen tuʼnju in che ikʼ tibʼaj moqa in najbʼen kyuʼn tuʼn tbʼant kyex kyajbʼil. Atzun jlu in nel qnikʼ tiʼj aj tok qkeʼyin aju o bʼaj toj ambʼil ojtxe (Miq 7:3). ¡Pero junxitl ttnam Jehová! O txi tqʼoʼn Jehová xnaqʼtzbʼil kye ansyan tuʼn tajbʼen kyoklen kyuʼn tuʼn kyxqʼuqin kyiʼj congregación (Est 10:3; Mt 20:25, 26).
Junxitl kymod ansyan kywitz txqantl xjal. Mintiʼ in che ximen oʼkx kyiʼjx, sino in xi kybʼinchaʼn qe tiʼchaq tuʼnju kʼujlaʼn Jehová kyuʼn ex qe erman (Jn 21:16; 1Pe 5:1-3). In che ok lepeʼ ansyan tiʼj Jesús ex in che onin kyiʼj pakbʼal tuʼn kytzalaj toj ttnam Jehová ex in che onin kyiʼj tuʼn kyok laqʼeʼ ttxlaj. Ex bʼantni kyten ansyan tuʼn kyonin kyiʼj t-ẍneʼl Jehová aj ttzaj jun xitbʼil moqa aj ttzaj yabʼil kyiʼj. Qa taja onbʼil, miʼn kubʼ t-ximana kabʼe maj tuʼn tyolina tukʼil jun ansyan toj teya tcongregación (Snt 5:14).
OTOQXI TZʼOK TKEʼYINA VIDEO QE ANSYAN IN CHE XQʼUQIN KYIʼJ T-ẌNEʼL JEHOVÁ, TZAQʼWENXA QE XJEL LU:
-
¿Tzeʼn onin tiʼj Mariana aju onbʼil xi kyqʼoʼn ansyan te?
-
¿Tzeʼn onin tiʼj Elías aju onbʼil xi kyqʼoʼn ansyan te?
-
Otoqxi tzʼok tkeʼyina video lu, ¿tiʼ t-ximbʼetza at tiʼj aqʼuntl in bʼant kyuʼn ansyan?
