Tbʼajlenxi abʼqʼi 4026 t.a.j.

Yolin «lobʼaj», moqa kan, nya bʼaʼn tiʼj toklen Jehová tuʼn tkawin ex tiʼjju alkye tten in kawintoq. Tzaj ttziyen Jehová qa jun «tiyjil xuʼj», ok kbʼel tpchʼun twiʼ kan, aju Satanás (Génesis 3:1-5, 15). Noqtzun tuʼnj, o tzaj tqʼoʼn Jehová ambʼil kye xjal tuʼn tkubʼ kykawin kyibʼ tjaqʼ tipumal Satanás.

Abʼqʼi 1943 t.a.j.

Xi tqʼamaʼn Jehová te Abrahán qa tiʼj jun tyajil ok tzul aju «tiyjil xuʼj» otoq kyaj tziyen (Génesis 22:18).

Tbʼajlenxi abʼqʼi 1070 t.a.j.

Xi tqʼamaʼnxix Jehová te ajkawil David, ex yajxitl te tkʼwaʼl aju Salomón, qa tiʼj toj kyja ok tzul «tiyjil xuʼj» (2 Samuel 7:12, 16; 1 Reyes 9:3-5; Isaías 9:6, 7).

Abʼqʼi 29 a.j.

Tzaj tyekʼin Jehová qa a Jesús «tiyjil xuʼj» otoq tzaj tziyen ex qa a kbʼel qeʼ toj tqʼuqbʼil David tuʼn tkawin (Gálatas 3:16; Lucas 1:31-33; 3:21, 22).

 Abʼqʼi 33 a.j.

Ajbʼen junjun xjal tuʼn Satanás, aju kan, tuʼn tkubʼ kybʼiyoʼn Jesús, ex iktzun tten ok tkʼixbʼisaʼn toj chʼin ambʼil aju «tiyjil xuʼj» otoq tzaj tziyen. Jaw anqʼin Jesús tuʼn Jehová tuʼn tanqʼin juntl maj toj kyaʼj ex xi tkʼamoʼn aju chojbʼil xi tqʼoʼn, aju tchwinqlal tzʼaqli. Tuʼn jlu, jaku kubʼ tnajsaʼn kyil tkʼwaʼl Adán ex jaku txi tqʼoʼn kychwinqlal te jumajx (Génesis 3:15; Hechos 2:32-36; 1 Corintios 15:21, 22).

Chʼixmilo toj abʼqʼi 1914 a.j.

Kutz t-xoʼn Jesús kan twitz Txʼotxʼ ex ok tchqʼoʼn tuʼn tkyaj ten twitz Txʼotxʼ toj chʼin ambʼil (Apocalipsis 12:7-9, 12).

Toj ambʼil tzul

Kbʼelex jupuʼn Satanás tuʼn Jesús toj mil abʼqʼi ex ok kbʼel tnajsaʼn te jumajx. Iktzun tten kbʼel tpchʼun Jesús twiʼ Satanás, a jlu jun techel. Iktzun tten kjapunel twiʼ t-xim Jehová at ojtxe tiʼj Txʼotxʼ ex kye xjal. Aju tbʼi Dios kʼokel te saq tiʼj tkyaqil nya bʼaʼn o tzaj qʼamaʼn tiʼj, ax ikx kjel toj qʼanchaʼl qa aju alkye tten in kawin atzun jun tbʼanelxix tten (Apocalipsis 20:1-3, 10; 21:3, 4).