QE NUKʼUL. Ateʼqe erman nukʼul tuʼn kyonin tiʼja. Jaku tzʼonina kyiʼj aj t-xi tbʼiʼna aju ktzajel kyqʼamaʼn teya tiʼj tembʼil kye kar, aj tbʼeta kyxol qʼuqbʼil, aj tel tpaʼna qe qʼuqbʼil ex tiʼj junjuntl tqanil.

BAUTISMO. Che elel paʼn qe qʼuqbʼil ateʼ twitz plataforma kye qeju che bautisaril, oʼkx jaku che ajbʼen qa ma tzaj qʼoʼn junxitl tqanil. Il tiʼj tuʼn kykubʼ qeʼ qeju che bautisaril kyoj qʼuqbʼil lu naʼmxtoq txi tzyet chikʼbʼabʼil kʼeletz qʼoʼn kye toj sábado te prim. Kykyaqil qeju che bautisaril, il tiʼj tuʼn ttzaj kyiʼn kytoalla ex kyxbʼalun bʼaʼn keʼyin tuʼn kykuʼx toj aʼ.

OYAJ. Ma txi tiʼn nim pwaq tuʼn ttzaj qʼoʼn tbʼanel qqʼuqbʼil, tuʼn tten tbʼanel tqʼajqʼajel ex tuʼn kyetz yekʼin video, ex kyiʼj junjuntl tiʼ in che ajbʼen tuʼntzun qtzalaj tiʼj asamblea ex tuʼn qpon laqʼeʼ mas ttxlaj Jehová. Aju oyaj in tzaj kyqʼoʼne in nonin tuʼn tchjet tkyaqil jlu ex tuʼn tajbʼen tiʼj aqʼuntl in bʼant twitz tkyaqil Txʼotxʼ. Ma che kubʼ qʼoʼn tkubʼil oyaj toj tkyaqil lugar te chmabʼil. Ax ikx jaku txi tqʼoʼna oyaj toj internet, toj donate.pr418.com. In xi qʼet nim chjonte tiʼj tkyaqil onbʼil in tzaj kyqʼoʼne. In xi tqʼoʼn Kʼloj Xjal Qʼil Twitz Aqʼuntl nim chjonte kyeye tuʼn onbʼil in tzaj kyqʼoʼne tiʼj aqʼuntl at toklen tiʼj Tkawbʼil Dios.

ONBʼIL KYIʼJ YABʼ. Bʼaʼn tuʼn ttzaj tnaʼna qa oʼkx jaku txiʼya toj lugar lu qa il tiʼj.

KʼUBʼIL QE TIʼCHAQ IN CHE KYAJ TZʼAQ. Kykyaqil tiʼ in che kyaj tzʼaq il tiʼj tuʼn kyxi qiʼn toj Kʼubʼil qe tiʼchaq in che kyaj tzʼaq. Qa at jun tiʼ ma kyaj tzʼaq tuʼna, jaku txiʼya jyolte toj lugar lu. Ax ikx, bʼaʼn tuʼn kyxi qʼiʼn qe kʼwal in che kyaj tzʼaq kyxol txqantl. Noqtzun tuʼnj, tuʼn miʼn ttzajxix choʼn qwiʼ, che xqʼuqine kyiʼj kykʼwale tuʼn miʼn kyel laqʼeʼ najchaq kyiʼje.

QE QʼUQBʼIL. In xi qqanine xtalbʼil teya tuʼn t-ximana kyiʼj txqantl aj tel tpaʼna qe qʼuqbʼil. Bʼaʼn tuʼn tel tpaʼna oʼkx kye qeju toj tjaya, kye qeju che pol junx tukʼila toj kar, kye qeju in che najan junx tukʼila ex qa kye qeju in che xnaqʼtzan tiʼj Tyol Dios tukʼila. Miʼn kyaj tqʼoʼna jun tiʼ kyoj qʼuqbʼil miʼn che ajbʼen tuʼna.

QA TAJA TUʼN TONINA. Qa ma kubʼ t-ximana tuʼn tonina kyiʼj aqʼuntl tiʼj nimaq chmabʼil, jaku txiʼya jatumel taʼ Kʼloj Qʼol Tqanil ex Kʼloj Onil noq Kukx in che Aqʼunan.