XJEL 3
¿Alkyeqe e kubʼ tzʼibʼinte Tyol Dios?
«Kubʼ ttzʼibʼan Moisés tkyaqil yol tzaj tmaʼn Qman te.»
«Tej koẍltoq Daniel twi twatbʼil, ok jun twitzikʼ ex tzaj yekʼun nimku te ik tzaʼn tuj witzikʼ, ex kubʼ ttzʼibʼan aju mas il tiʼj otoq til.»
«Kukx in xi qqʼoʼne chjonte te Dios tuʼnju xi kyokslaʼne tyol Dios, aju kybʼiye qeye; tej t-xi kyokslaʼne mintiʼ o kymaye qa tyol xjal, oʼkx o kymaye qa tyol Dios, porque ax tok tyol Dios.»
«Tkyaqil aju tzʼibʼan tuj Tuʼjil, a Dios o qʼmante ex at tajbʼen te xnaqʼtzbʼil qe.»
«Mintiʼ e pakbʼan qe t-sanjel Dios tuʼn kyex kyajbʼil; noq oʼkx te Dios in che ajbʼen qe xjal lu, xi kymaʼn ju yol aju tzaj tmaʼn Dios kye, porque ẍaqluʼn qe tuʼn Xewbʼaj Xjan.»
