XJEL 16
¿Tiʼ jaku bʼant quʼn tuʼn miʼn ttzaj bʼajxix qkʼuʼj?
«Qʼonkja qe tbʼisa tuj tqʼabʼ Qman, ate ktzajel qʼonte tipuna tuʼn tikʼx tuʼna, mlayx taqʼ ambʼil tuʼn tkubʼ tzʼaq aju xjal bʼaʼn niman te.»
«Aju xjal nej in kubʼ ten ximal tiʼj alkye tuʼn tbʼant tuʼn, bʼaʼn nneʼl te te, atzunju xjal noq t-xoʼn tibʼ tiʼj jun tiʼxti ex mintiʼ in kubʼ ten ximal tiʼj qa bʼaʼn, ktzajel mebʼayil tiʼj.»
«Miʼn che xobʼe porque lu qine atine kyukʼile, miʼn bʼaj kykʼuʼje, aqine Kydiose. Kxel nqʼoʼne kyipumale ex chin onile kyiʼje, tzyuʼn qeye wuʼne tuʼn nbʼanqʼabʼe tuʼnju tzʼaqlxix qine.»
«¿Ex alkye jun kyxole jaku bʼant tuʼn tuʼn tok tqʼoʼn kabʼe xkʼachubʼtl twaʼl tuʼnju nimxix in bʼaj tkʼuʼj tiʼj?»
«Kyjaʼtzun, miʼn bʼaj kykʼuʼje tiʼj ju te nchiʼj, porque aju te nchiʼj texte tbʼis ktzajel. Aju nnikʼx quʼn tuj jun qʼij, akuxju.»
«Tuʼntzun tbʼant kyskʼone tiʼj alkyeju mas bʼaʼn.»
«Mi jun tuʼn tbʼaj kykʼuʼje tiʼj; tkyaqil kymanxe te Dios tuj kynaʼj Diose; kyqaninxe te, ax ikx kyqʼonxe chjonte te. Kyjaʼtzun kqebʼil kykʼuʼje tuʼn Dios; mas maʼ t-xilen jlu twitz tkyaqil kynabʼl xjal, tuʼn jlu kʼokel kwentin kyanmiye ex kyximbʼetze, tuʼnju at kymojbʼabʼl kyibʼe tukʼil Jesucrist.»
