XJEL 7
¿Tiʼ kyaj qʼamaʼn toj Tyol Dios tuʼn tikʼ toj ambʼil jaʼlo?
«Qe xjal tuj jun nasyon che qʼojlel tiʼj juntl nasyon, ex che qʼojlel qe tnam kyiʼj mastl tnam [...]. Tkyaqil jlu atzun tnejel kʼixbʼisabʼl.»
«Ex nimku xjal che ul, kʼokel kyqʼon kyibʼ te t-sanjel Dios pero mya ax tok kyuʼn, ex nimku xjal che bʼel kysbʼuʼn. Ex tuʼnju otoq chmet il, nimku xjal miʼn tentl kykʼujlalil kyxolx.»
«Oktzun kybʼinteye ok tok qʼoj ex qa tqanil tiʼj qʼoj, miʼn che jaw sekʼpaje, porque ilxix tiʼj tuʼn tjapun tkyaqil jlu, pero myatzun a mankbʼil tqʼijlalil tuʼn tjapun bʼaj tkyaqil.»
«Ex ktzajel kyaqnajnabʼ kyuwxix ex weʼyaj ex txʼuʼj yabʼil noq jachaq; ex tzul sekʼpubʼl ex che tzajel señ maʼxix twitz kyaʼj.»
«Ax ikx tzʼelx tnikʼa tiʼj jlu: Tuj mankbʼil tqʼijlalil tzul nim yajbʼil. Porque che ul xjal oʼkx tok kykʼuʼj kyiʼjx, ex oʼkx tok kykʼuʼj tiʼj pwaq, ex in jaw kyniman kyibʼ, ex jawni qe, ex yasul qe, ex mibʼan che niman tyol kyman, ex mintiʼ in kyqʼoʼn chjonte tiʼj ju in kykʼmoʼn, mibʼan che niman te Dios, ex mintiʼ kykʼujlalil, ex mintiʼ in chewix kykʼuʼj, ex siʼmil yol qe, ex mintiʼ in kyjakʼun kyibʼ, ex mintiʼ chʼin kylastmi kyiʼj xjal, ex nneʼl kyikʼun aju bʼaʼn, ax in che ok meltzʼaj kyiʼj kyukʼil, txʼuʼj kywiʼ, ex in jaw kyniman kyibʼ, mas tok kykʼuʼj tiʼj achbʼil ex mya tiʼj Dios. Mer nimal Dios che keʼyin, pero mintiʼ kyaj tiʼj tipumal tuʼn kyklet.»
