¿Tiʼ tkuʼx toj Tyol Dios?
Aju Xjan Uʼj in najbʼen tuʼn Dios tuʼn ttzaj tqʼoʼn tqanil, moqa Tyol, qe toj ambʼil jaʼlo. In tzaj tyekʼun Tyol Dios qe tiʼ kbʼantel quʼn tuʼn qanqʼin toj tbʼanel ex tiʼ kbʼantel quʼn tuʼn ttzalaj Dios qiʼj. Ax ikx in tzaj ttzaqʼweʼn junjun xjelbʼitz ik tzeʼn jlu:
¿ALKYE TTEN JAKU CHE KANET TAQIKʼ TYOL DIOS QUʼN?
Ateʼkux 66 tal uʼj toj Tuʼjil Tyol Dios. Ex paʼn tten toj kabʼe plaj: aju tnejel, aʼyeju uʼj e kubʼ tzʼibʼen toj yol hebreo (ax ikx in nok qʼoʼn kybʼi te Ojtxe Tuʼjil) ex aju tkabʼ, aʼyeju uʼj e kubʼ tzʼibʼen toj yol griego (ax ikx in nok qʼoʼn kybʼi te Akʼaj Tuʼjil). Tkyaqil uʼj toj Tyol Dios ateʼkux capítulo ex versículo toj. Aj ttzaj qʼamaʼn jun taqikʼ Tyol Dios, tnejel tkubʼ tbʼi uʼj, tkabʼ tkubʼ capítulo ex toxin tkubʼ versículo. Jun techel tiʼj jlu, aju Génesis 1:1, tnejel kbʼelex qjyoʼn Génesis, tkabʼ kbʼelex qjyoʼn capítulo 1 ex toxin kbʼelex qjyoʼn versículo 1.