XJEL 5
¿Tiʼ tqanil tkuʼx toj Tyol Dios?
«Kbʼel nqʼoʼne qʼoj kyxole tukʼil xuʼj, ex kyxol tiyjila tukʼil tiyjil xuʼj. Aju tiyjil xuʼj kbʼel paʼn twiʼya tuʼn, atzun teya kʼokel ttxʼaʼna t-xe tqan.»
«Kykyaqil qe nasyon twitz txʼotxʼ che bʼel kyʼiwlaʼn tuʼn tiyjila, tuʼnju ma txi tnimana nyole.»
«E ttzaj ju tkawbʼila. Bʼant-xwit ju tajbʼila twitz txʼotxʼ ik tzaʼn in bʼant tuj kyaʼj.»
«Ex aju Dios qʼolte qmojbʼabʼl qibʼ, jurat naj kbʼel pachʼuʼn Satanás tjaqʼ kyqane tuʼn.»
«Okxitzun kykubʼ qʼoʼn tkyaqil tjaqʼ tkawbʼil Crist, ax ikxtzunte Crist aju Tkʼwaʼl Dios kbʼel tqʼon tibʼ tjaqʼ tkawbʼil Dios, como ate Dios kubʼ qʼonte tkyaqil tjaqʼ tkawbʼil Crist. Kyjaʼtzun tuʼn tten toklen Dios tibʼaj tkyaqil.»
«Kyjaʼtzun tzaj ttziyan Dios tyol te Abraham ex te tiyjil. [...] Ate Crist tiyjil Abraham. Qatzun te Crist qeye, ax tok tiyjil Abraham qeye, ex at kyoklene tiʼj etzbʼil.»
«Qe kawbʼil ateʼ twitz txʼotxʼ ma che ok te tkawbʼil Qman ex te tkawbʼil Crist aju at toklen tuʼn; ex atzun te kkawil tuj tkyaqil tabʼqʼiyil te jumajx.»
«Kyjaʼtzun etz xoʼn ju nintz jil dragón, aju ojtxi lobʼaj, aju tok tbʼi tajaw il ex Satanás, aju in sbʼun kyiʼj kykyaqil xjal twitz txʼotxʼ; kuʼtz xoʼn twitz txʼotxʼ, ex kyukʼix qe t-anjel e kuʼtz xoʼn tukʼil.»
«Tzyet aju jil dragón tuʼn, aju ojtxi lobʼaj, atzun tajaw ilju ex Satanás; ex bʼajtzun kʼaloʼn tuʼn anjel tuʼn tten kʼaloʼn tuj jun mil abʼqʼi.»
