XJEL 10
¿Tiʼ in tzaj ttziyin Tyol Dios toj ambʼil tzul?
«Qe xjal bʼaʼn ok che etzal tiʼj ju txʼotxʼ, ex ax che tel tuj te jumajx.»
«Atzunte txʼotxʼ kukx ttenjuʼ.»
(Eclesiastés 1:4, Xjan Tuʼjil)
«Te jumajx knajel kamik tuʼn Qman, kʼelel t-suʼn taʼl kywitz kykyaqil.»
«Kjaqetel kywitz qe moẍ ex kbʼantel kybʼin qeju chkyin kywiʼ, che jawil tʼikpaj qe kox ik tzaʼn masat, ex che jawil schʼin qe men tuʼn tzalajbʼil. Che jawitz jlet nim aʼ tuj lugar mintiʼ kynajbʼil xjal tuj, aju tzqij txʼotxʼ.»
«Ex kʼelel t-suʼn Dios taʼl kywitz kykyaqil; ex mintiʼtl kamik, ex mintiʼtl bʼis, ex mintiʼtl oqʼel, ex mintiʼtl kʼixkʼoj; porque aqeju at tnejel ma che naj, chi ju tzaj yolin.»
«Kjawil kybʼinchaʼn xjal kyja ex ax qe che najal tuj, ex kbʼelex kyawaʼn tqan uva ex ax qe che loʼl tiʼj twitz. Ok tjaw tbʼinchaʼn xjal jun ja, mlay bʼant tuʼn tpon junxitl najal tuj, ex ok tkuʼx tawal xjal, mlay bʼant junxitl tuʼn twaʼn tiʼj. Qe xjal etzan wuʼne, maʼ ktel tuj kyanqʼibʼl ik tzaʼn tuj tanqʼibʼl jun tzeʼ; qe xjal skʼoʼmaj wuʼne che tzalajel tiʼj taqʼunbʼen kyqʼabʼ.»
